.പാനൂർ : കടവത്തൂർ പി. കെ. എം. എച്ച്.എസ്. എസ് നാഷണൽ സർവീസ് സ്കീം യൂണിറ്റ് , ശുദ്ധജലത്തിന്റെ പ്രാധാന്യത്തെക്കുറിച്ചുള്ള അവബോധം പ്രോത്സാഹിപ്പിക്കുന്നതിനായി ജലപരിശോധന ക്യാമ്പ് നടത്തി. വടകര ഇന്നേറ്റ് അനലിറ്റിക്സ് ജല പരിശോധനാ ലബോറട്ടറിയുമായി സഹകരിച്ച് സംഘടിപ്പിച്ച ക്യാമ്പിൽ പൊതുജനങ്ങളും വിദ്യാർത്ഥികളും സ്റ്റാഫ് അംഗങ്ങളും പങ്കെടുത്തു. പരിപാടി തൃപ്പങ്ങോട്ടൂർ ഗ്രാമ പഞ്ചായത്ത് പ്രസിഡന്റ്‌ സക്കീന തെക്കെയിൽ ഉദ്ഘാടനം ചെയ്തു. പ്രിൻസിപ്പൽ വി. കെ. സുജൻ അധ്യക്ഷനായ ചടങ്ങിൽ വാർഡ് മെമ്പമാരായ പ്രൊഫസർ ഇസ്മായിൽ മാസ്റ്റർ, നസീമ ചാമാളി, ഇന്നേറ്റ് ലാബ്‌ ഡയറക്ടർ അജീഷ്, സി. മുഹമ്മദലി,. ഫാത്തിമ അഷ്‌റഫ്‌ തുടങ്ങിയവർ സംസാരിച്ചു. കുടിവെള്ള ടാപ്പുകൾ, കിണറുകൾ, ഓവർഹെഡ് ടാങ്കുകൾ എന്നിവയുൾപ്പെടെ സ്കൂൾ പരിസരത്തെ വിവിധ സ്രോതസ്സുകളിൽ നിന്ന് എൻ.എസ്.എസ് വളണ്ടിയർമാർ ജല സാമ്പിളുകൾ ശേഖരിച്ചു. പിഎച്ച്, ടി. ഡി. എസ്, അയേൺ, അമോണിയ, ബാക്ടീരിയ മലിനീകരണം എന്നിവയുൾപ്പെടെ വിവിധ പാരാമീറ്ററുകൾക്കായി ജല സാമ്പിളുകൾ വിശകലനം ചെയ്തു. ശുദ്ധജലത്തെക്കുറിച്ചും ശരിയായ ജല മാനേജ്‌മെന്റ് രീതികളെക്കുറിച്ചും അവബോധം വളർത്തുക എന്ന ലക്ഷ്യത്തോടെ, ഭാവിയിൽ ഇത്തരം കൂടുതൽ ക്യാമ്പുകൾ നടത്താൻ എൻ.എസ്.എസ് യൂണിറ്റ് പദ്ധതിയിടുന്നതായി പ്രോഗ്രാം ഓഫീസർ പി. കെ. നൗഫൽ അറിയിച്ചു.
