ഫ്രഞ്ച് പെട്ടിപ്പാലത്ത് തെരുവ് നായ ശല്യം രൂക്ഷം. പിഞ്ചു കുഞ്ഞിനെ മുഖത്ത് കടിച്ച് പരിക്കേൽപ്പിച്ചു

മാഹി: ഫ്രഞ്ച് പെട്ടിപ്പാലത്ത് തെരുവ് നായ ശല്യം രൂക്ഷം. ചെറിയ കുട്ടിയെ മുഖത്തു കടിച്ചു പരികേല്പിച്ചു. സുബൈദ മനസിൽ സാജിദിന്റെ മകൾ ഫെെസ(3) യ്ക്കാണ് തെരുവ്നായുടെ ആക്രമണത്തിൽ പരിക്കേറ്റത്.ബന്ധുക്കളുടെ ഇടപെടൽ കൊണ്ട് മാത്രമാണ് കുട്ടിയെ രക്ഷിക്കാൻ സാധിച്ചത്. കുറച്ചു ദിവസങ്ങൾക്കുമുമ്പ് ഈ കുട്ടിയുടെ സഹോദരനെയും തെരുവുനായ കഴുത്തിൽ കടിച്ച് പരിക്കേൽപ്പിച്ചിരുന്നു. കഴിഞ്ഞ ദിവസം ഒരു വഴിയാത്രകാരിക്കും ഇവിടെ വെച്ചു കടിയേറ്റിരുന്നു.
തൈരുവുനായയെ നിയന്ത്രിക്കുന്നതിൽ മുനിസിപ്പൽ അധികാരികൾ അടിയന്തരമായി ഇടപെട്ടിട്ടില്ലെങ്കിൽ പ്രക്ഷോഭ പരിപാടികളുമായി മുന്നോട്ടു പോകുമെന്നു മഹാത്മാ റെസിഡന്റ് ഭാരവാഹികൾ അറിയിച്ചു.