തലശ്ശേരി: പൊന്ന്യം പുല്ലോടി ഇന്ദിരാഗാന്ധി സ്മാരക മന്ദിരത്തിന്റെ ആഭിമുഖ്യത്തിൽ അനുമോദന സദസ്സ് സംഘടിപ്പിക്കുന്നു. നവംബർ 26 ഞായറാഴ്ച ഉച്ചക്ക് ശേഷം 2.30 ന് പൊന്ന്യം പുല്ലോടി ഇന്ദിരാഗാന്ധി ഹാളിലാണ് സദസ്സ് നടക്കുക.
വിവിധ രംഗങ്ങളിലെ പ്രതിഭകളെ ആദരിക്കലും ഈയിടെ നടത്തിയ ബാലകലാമേളയിലെ വിജയികൾക്കുള്ള സമ്മാനദാനവും സദസ്സിൽ നടക്കും.
ഇന്ദിരാഗാന്ധി സ്മാരകമന്ദിരം പ്രസിഡണ്ട് എ.കെ. പുരുഷോത്തമൻ നമ്പ്യാറുടെ അദ്ധ്യക്ഷതയിൽ ചേരുന്ന സദസ്സ് , ഹയർ സെക്കന്ററി മുൻ ജില്ല കോർഡിനേറ്റർ ഡോ.ശശിധരൻ കുനിയിൽ ഉദ്ഘാടനം ചെയ്യും.
പോണ്ടിച്ചേരി നിയമസഭ മുൻ ഡെപ്യൂട്ടി സ്പീക്കർ പി.കെ. സത്യാനന്ദൻ ഉപഹാരവിതരണം നിർവ്വഹിക്കും.
നാടക നടൻ സി.കെ.വിശ്വനാഥ് , റിട്ട. പഞ്ചായത്ത് ഡെപ്യൂട്ടി ഡയരക്ടർ ഡോ.എൻ.പ്രദീപ് കുമാർ ,
ഉജ്വലബാല്യം പുരസ്കാര ജേതാവ് ആശ്രിദ് കെ
എന്നിവരെ സദസ്സ് ആദരിക്കും. ടി.ശിവദാസ് ബാബു ,
എൻ. ഹരീന്ദ്രൻ ,അഡ്വ.പ്രശാന്ത് കതിരൂർ,വി.കെ.ജയന്തൻ , ജി.വി. രാകേശ് ,ടി.പി. ശശീന്ദ്രൻ മാസ്റ്റർ , കെ.ലതിക ,
വി.പി. പ്രമീള , എ.വി.രാമദാസ് ,വി.പി.നീതുപ്രിയ എന്നിവർ ആശംസാഭാഷണം നടത്തും. എം.രാജീവൻ മാസ്റ്റർ സ്വാഗതവും കെ. അനിൽകുമാർ കൃതജ്ഞതയും പറയും.
