കണ്ണൂർ : സംസ്ഥാന യുവജനക്ഷേമ ബോര്‍ഡ് മൂന്ന് ദിവസത്തെ ചലച്ചിത്ര ശില്പശാല നടത്തുന്നു. സിനിമയുടെ പ്രൊഡക്ഷന്‍, പ്രീ പ്രൊഡക്ഷന്‍, തിരക്കഥാ നിര്‍മ്മാണം, സംവിധാനം, സിനിമാറ്റോഗ്രാഫി, എഡിറ്റിംഗ്, ഗ്രാഫിക്‌സ്, സംഗീത സംവിധാനം, കലാസംവിധാനം, ചമയം, പ്രൊഡക്ഷന്‍ മാനേജ്‌മെന്റ് വിതരണം, ഒടിടി പ്ലാറ്റ്‌ഫോമുകള്‍, പിച്ച് ഡെക്ക് നിര്‍മ്മാണം തുടങ്ങിയ വിഷയങ്ങളിലാണ് ക്ലാസ്സുകള്‍ നടക്കുക. പങ്കെടുക്കാന്‍ താല്‍പര്യമുള്ളവര്‍ സ്വന്തമായി തയ്യാറാക്കിയ ഒരു ഫോട്ട് ഫിലിം/ഡോക്യുമെന്ററി/ആല്‍ബം/മ്യൂസിക്കല്‍ വീഡിയോ/പരസ്യ ചിത്രം/റീല്‍സ് ഇവയില്‍ ഏതെങ്കിലും ഒന്നിന്റെ (ദൈര്‍ഘ്യം അരമണിക്കൂറില്‍ താഴെ, എംപി ഫോര്‍ ഫോര്‍മാറ്റ്) ലിങ്ക് filimworkshop01@gmail.com എന്ന ഇ-മെയിലില്‍ അയക്കണം. യൂട്യൂബ് വീഡിയോ, ഗൂഗിള്‍ ഡ്രൈവ് ലിങ്കുകളും അയക്കാം. ഫോണ്‍ നമ്പര്‍, പൂര്‍ണ്ണ വിലാസം എന്നിവ ഉള്‍പ്പെടുത്തിയ ബയോഡാറ്റ, വയസ്സ് തെളിയിക്കുന്ന സര്‍ട്ടിഫിക്കറ്റിന്റെ കോപ്പി (എസ് എസ് എല്‍ സി/ആധാര്‍/വോട്ടര്‍ ഐ ഡി എന്നിവയില്‍ ഏതെങ്കിലും) എന്നിവയും അയക്കണം. പ്രായപരിധി 18-35 ഇടയില്‍. അപേക്ഷക അയക്കേണ്ട അവസാന തീയ്യതി ഒക്‌ടോബര്‍ അഞ്ച്. ഫോണ്‍: 0471 2733602.
