നിപ; പനിയുണ്ടെങ്കിൽ യാത്ര അനുവ​ദിക്കില്ല; വാളയാർ ഉൾപ്പെടെ ചെക്ക് പോസ്റ്റുകളിൽ കർശന പരിശോധന

പാലക്കാട്: കേരളത്തിൽ നിപ സ്ഥിരീകരിച്ച സാഹചര്യത്തിൽ അതിർത്തി ചെക്ക് പോസ്റ്റുകളിൽ പരിശോധന കർശനമാക്കി തമിഴ്നാട് ആരോ​ഗ്യ വകുപ്പ്. വാളയാർ, നീല​ഗിരി ജില്ലയുടെ അതിർത്തിയായ നാടുകാണി ഉൾപ്പെടെയുള്ള ചെക്ക് പോസ്റ്റുകളിലാണ് മെഡിക്കൽ സംഘം പരിശോധന നടത്തുന്നത്. ഡോ​ക്ടറും നേഴ്സുമാരും ഉൾപ്പെടുന്ന സംഘമാണ് പരിശോധന നടത്തുന്നത്. കേരളത്തിൽ നിന്നു വരുന്ന വാ​ഹനങ്ങൾ തടഞ്ഞ് ആർക്കെങ്കിലും പനിയുടെ ലക്ഷണങ്ങളുണ്ടോ എന്ന് പരിശോധിക്കും. പനി ലക്ഷണം കാണിക്കുന്നവരെ, കേരളത്തിൽ നിന്നു വരുന്നവരാണെങ്കിൽ തിരികെ അയക്കാൻ നിർദ്ദേശിക്കും. ഇവരുടെ ഫോൺ നമ്പർ വാങ്ങി തുടർ അന്വേഷണങ്ങളും നടത്തും.