പാനൂർ: പാനൂർ പി.ആർ.ലൈബ്രറിയുടെ ആഭിമുഖ്യത്തിൽ കെ.പി.എ. റഹീം അനുസ്മരണവും ശ്രീധരൻ ചമ്പാട് എഴുത്തും ജീവിതവും പുസ്തക സംവാദവും സംഘടിപ്പിച്ചു. ഗ്രന്ഥകാരൻ ടി.കെ. ഡി. മുഴപ്പിലങ്ങാട് ഉദ്ഘാടനം ചെയ്തു.
ഏതെങ്കിലും ഒരു രാഷ്ട്രിയ പാർട്ടിയുടെ ഭാഗമാവുമ്പോഴേ സാഹിത്യകാരന്മാർ ശ്രദ്ധിക്കപ്പെടുകയുള്ളൂവെന്നും ഒരു പാർട്ടിയിലുമില്ലെങ്കിൽ നല്ല എഴുത്തുകാരനായാൽ പോലും മതിയായ വേദി ലഭിക്കാത്ത സാഹചര്യമാണ് ഇന്നുള്ളതെന്നും ടി.കെ. ഡി. അഭിപ്രായപ്പെട്ടു.
ലൈബ്രറി പ്രസിഡൻ്റ് കെ.പി.മോഹനൻ എം.എൽ.എ. അദ്ധ്യക്ഷത വഹിച്ചു.
മുതിർന്ന മാധ്യമ പ്രവർത്തകൻ വി.പി.ചാത്തു അനുസ്മരണ പ്രഭാഷണം നടത്തി. സംവാദത്തിൽ കെ.പി.രമേഷ് ബാബു വിഷയം അവതരിപ്പിച്ചു.. ബാലസാഹിത്യകാരൻ രാജു കാട്ടുപുനം മോഡറേറ്ററായി. സി.കെ.സുനിൽകുമാർ, ടി.സി.സുധാകരൻ എന്നിവർ സംസാരിച്ചു. ജയചന്ദ്രൻ കരിയാട് സ്വാഗതവും കെ.കുമാരൻ നന്ദിയും പറഞ്ഞു.
