തലശ്ശേരി: പൊന്ന്യം പുല്ലോടി ഇന്ദിരാഗാന്ധി സ്മാരകമന്ദിരത്തിൽ 26 വെള്ളിയാഴ്ച റിപ്പബ്ലിക് ദിനാഘോഷവും അനുമോദന സദസ്സും നടക്കും.ഉച്ചയ്ക്ക് 2.30ന് ചടങ്ങുകൾ ആരംഭിക്കും.റിപ്പബ്ലിക് ദിനാഘോഷത്തിന്റെ ഭാഗമായി സ്കൂൾ വിദ്യാര്ത്ഥികൾക്ക് എൽ പി യു പി വിഭാഗങ്ങളിൽ ക്വിസ്സ് മത്സരം നടത്തും.
കലോത്സവത്തിൽ വിജയിച്ച ഒ.നിയ (മിമിക്രി ) തീർത്ഥ ഹരി (ഓട്ടൻതുള്ളൽ )എന്നിവരെ അനുമോദിക്കും.നഗരസഭാംഗം സോന പി കെ ഉദ്‌ഘാടനം ചെയ്യും.എ കെ പുരുഷോത്തമൻ നമ്പ്യാർ അധ്യക്ഷനാകുന്ന ഉദ്‌ഘാടന സമ്മേളനത്തിൽ ഒ പി ശൈലജ ടീച്ചർ ഉപഹാരസമർപ്പണം നടത്തും.പ്രേമരാജൻ മാസ്റ്റർ ആശംസ പറയും.എ വി രാംദാസ് സ്വാഗതം പറയും.പി ജനാർദ്ദനന്റെ അധ്യക്ഷതയിൽ ചേരുന്ന സമാപന സമ്മേളനത്തിൽ നഗരസഭാംഗം എൻ മോഹനൻ സമ്മാന ദാനം നിർവഹിക്കും.ഒ. ഹരിദാസൻ എൻ. ഹരീന്ദ്രൻ എന്നിവർ ആശംസ പറയും.എ വി ഷൈനിവാസ് നന്ദി പറയും.
