പാനൂർ: കെ. തായാട്ട് പഠന ഗവേഷണ കേന്ദ്രത്തിൻ്റെ ആഭിമുഖ്യത്തിൽ, പാനൂർ സുമംഗലി ഓഡിറ്റോറിയത്തിൽ വാഗ് തീർത്ഥം എന്ന പേരിൽ അനുസ്മരണ സമ്മേളനവും പുസ്തക പ്രകാശനവും സംഘടിപ്പിച്ചു. രാവിലെ 7.30 തിന് സ്‌മൃതികുടീരത്തിൽ പുഷ്പാർച്ചന നടന്നു.വൈകുന്നേരം 3.30 തിന് സുമംഗലി ഓഡിറ്റോറിയത്തിൽ അനുസ്മരണ സമ്മേളനവും പുസ്തക പ്രകാശനവും നടന്നു.
ബാലസാഹിത്യകാരൻ രാജു കാട്ടുപുനം അധ്യക്ഷനായ ചടങ്ങിൽ ഡോ. പി. സരിൻ ഉദ്ഘാടനം നിർവ്വഹിച്ചു. കെ.തായാട്ടിന്റെ പത്നി പത്മിനി കെ. തായാട്ട് എഴുതിയ ആത്മകഥയും ഡോ.പി. സരിൻ പ്രകാശനം ചെയ്തു. തായാട്ട് സ്മൃതിഭാഷണവും ജയപ്രകാശ് പാനൂരിൻ്റെ ‘ജ്വാലാമുഖികൾ ‘ പുസ്തകപ്രകാശനവും പി.ഹരീന്ദ്രനാഥ് നിർവ്വഹിച്ചു.
