പാനൂർ :തദ്ദേശ സ്വയം ഭരണ വകുപ്പ് അമൃത് മിഷന്റെ ജലം ജീവിതം പദ്ധതിയുടെ ഭാഗമായാണ് പരിപാടി നടത്തിയത്.പാനൂർ ഗവ എൽ പി , യുപി , പി ആർ. എം എച്ച്. എസ് എന്നീ സ്കൂളുകളിലാണ് തെരുവുനാടകം അവതരിപ്പിച്ചത്.
പരിപാടി പാനൂർ നഗരസഭാ ചെയർമാർ വി. നാസർ മാസ്റ്റർ ഉദ്‌ഘാടനം ചെയ്തു.
ഗവ: എൽ.പി. സ്കൂൾ അദ്ധ്യാപകൻ പി നിഷാദ് അദ്ധ്യക്ഷനായി. എൻ എസ് എസ് പ്രോഗ്രാം ഓഫീസർ ഹസിന കെ പി പദ്ധതി വിശദീകരിച്ചു.
സൈഖ കെ പി, സുഭാഷ് ചന്ദ്രബോസ് എ പി പ്രസംഗിച്ചു.
ജലം സംരക്ഷിക്കേണ്ട പ്രാധാന്യം കുട്ടികളെ ബോധവൽക്കരിക്കാൻ തെരുവു നാടകം വഴി കഴിഞ്ഞു. ബോധവൽക്കരണ സ്റ്റിക്കറും, ക്യാൻവാസും പ്രദർശിപ്പിച്ചു.
വിദ്യാർത്ഥികൾ വീടുകളിൽ നിന്നും ശേഖരിച്ച കുടിവെള്ളത്തിൻ്റെ
ഗുണനിലവാരം സൗജന്യമായി പരിശോധിച്ച് കൊടുക്കാനും എൻ എസ് എസ് യൂണിറ്റിന് കഴിഞ്ഞു.
