പാനൂർ : പാനൂർ ഉപജില്ല സ്കൂൾ കായികമേളയിൽ ഗെയിംസ് മത്സരങ്ങൾക്ക് തുടക്കമായി. പാനൂർ ഉപജില്ല സ്പോർട്സ് & ഗെയിംസ് അസോസിയേഷന്റെ നേതൃത്വത്തിൽ കടവത്തൂർ പി.കെ.എം.എച്ച്.എസ്.എസ് ന്റെ ആതിഥ്യത്തിലാണ് മത്സരങ്ങൾ നടക്കുന്നത്.
ഉപജില്ലയിലെ 73 സ്കൂളുകളിൽ നിന്നുമായി അയ്യായിരത്തോളം വിദ്യാർത്ഥികൾ മാറ്റുരക്കുന്ന ഗെയിംസ് , പത്തോളം വേദികളിലായി സപ്തമ്പർ , ഒക്ടോബർ , നവമ്പർ മാസങ്ങളിലായാണ് നടക്കുക.
അത് ലറ്റിക്സ് മത്സരങ്ങൾ സപ്തമ്പർ 29, 30 വെള്ളി ,ശനി ദിവസങ്ങളിൽ തലശ്ശേരി വി.ആർ. കൃഷ്ണയ്യർ [ തലശ്ശേരി മുനിസിപ്പൽ ] സ്റ്റേഡിയത്തിൽ നടക്കും.
പി.കെ എം ഹയർസെക്കന്ററി സ്കൂൾ കടവത്തൂർ , എൻ.എ.എം കോളജ് കല്ലിക്കണ്ടി , ട്രഫോർഡ് സ്പോർട്സ് ടർഫ് കല്ലിക്കണ്ടി , ആസ്ട്രോ ഇൻഡോർ സ്റ്റേഡിയം കല്ലിക്കണ്ടി എന്നിവിടങ്ങളിലായി വിവിധ മത്സരങ്ങൾ നടക്കും.
മേളയെ സംബന്ധിച്ച കാര്യങ്ങൾ വിശദീകരിക്കാൻ ചേർന്ന വാർത്താ സമ്മേളനത്തിൽ രൂപേഷ് വി.എൻ ,ബിജു വർഗീസ് ,സുജൻ വി.കെ ,ജയപ്രസാദ് നാണു ,പി.പി.എ സലാം ,എ.പി. മീരാഭായ് ,പി.കെ. അലി ,എന്നിവർ പങ്കെടുത്തു.
