പാനൂർ :
കണ്ണംവെള്ളി നൂറുദ്ദീൻ സാഹിബ് പഠന ഗവേഷണ കേന്ദ്രത്തിൻ്റെ നെയിം ബോർഡ് എടുത്തുകൊണ്ട് പോവുകയും, കോൺഗ്രസ് പതാകകൾ നശിപ്പിക്കുകയും ചെയ്ത സി. പി.എം നടപടിയിൽ പ്രതിഷേധിച്ച് ബൂത്ത് കോൺഗ്രസ് കമ്മിറ്റിയുടെ ആഭിമുഖ്യത്തിൽ കണ്ണംവെളളിയിൽ ബൂത്ത് കോൺഗ്രസ് കമ്മിറ്റി ഭാരവാഹികൾ ഉപവസിച്ചു . ഉപവാസസമരം കെ.പി.സി.സി മുൻ എക്സിക്യൂട്ടീവ് മെമ്പർ വി.സുരേന്ദ്രൻ മാസ്റ്റർ ഉൽഘാടനം ചെയ്തു. ഡി.സി.സി. ജനറൽ സെക്രട്ടറി സന്തോഷ് കണ്ണംവെളളി മുഖ്യ പ്രഭാഷണം നടത്തി. മണ്ഡലം പ്രസിഡൻ്റ് പി. സുരേഷ് ബാബു അധ്യക്ഷത വഹിച്ചു. കണ്ടോത്ത് ഗോപി , ഹരിദാസ് മൊകേരി, കെ.രമേശൻ,തേജസ് മുകുന്ദ്, കെ.പി.പ്രമീഷ്, രാജിത്ത് എ. കെ.എന്നിവർ പ്രസംഗിച്ചു. രാജൻ കല്ലുമ്മൽ , മനോജ് കുമാർ എൻ, കാർത്തികേയൻ വി പി, ടി. ഷിജു കുമാർ,സെൽമ ഷനോജ് എന്നിവർ നേതൃത്വം നൽകി.
