പാനൂർ :
സേവാഭാരതിയുടെ ആഭിമുഖ്യത്തിൽ രക്തദാനവും സൗജന്യ നേത്ര പരിശോധനയും തിമിര നിർണ്ണയ ക്യാമ്പും സംഘടിപ്പിച്ചു .
ആതുര സേവന രംഗത്തും ജീവകാരുണ്യ പ്രവർത്തനത്തിലും മാതൃകയായ സേവാഭാരതിയുടെ കരിയാട് യൂണിറ്റിൻ്റെ രൂപികരണവുമായി ബന്ധപ്പെട്ടാണ് പാനൂർ സേവാഭാരതിയുടെ കീഴിൽ കരിയാട് കെ.എൻ.യു.പി സ്കൂൾ ഓഡിറ്റോറിയത്തിൽ രക്തദാനം , സൗജന്യ നേത്ര പരിശോധന, തിമിര നിർണ്ണയ ക്യാമ്പ് എന്നിവ നടത്തിയത് . കോഴിക്കോട് മെഡിക്കൽ കോളേജ് സർജിക്കൽ ഗ്യാസ്ട്രോ അസിസ്റ്റൻ്റെ പ്രൊഫ്സർ ഡോ . കെ . എസ്സ് . ശ്രീശാന്ത് ഉദ്ഘാടനം ചെയ്തു. സുന്ദരൻ കൊയ്ലോത്ത് അധ്യക്ഷത വഹിച്ചു. കെ. രാജീവൻ സ്വാഗതം പറഞ്ഞു. നാണു മാസ്റ്റർ സേവാ സന്ദേശം നൽകി. പാനൂർ സേവാഭാരതി സിക്രട്ടറി സി.കെ. രാഹുൽ , മലബാർ കാൻസർ സെൻ്റിലെ ഹർഷ , കോംട്രസ്റ് കണ്ണാശുപത്രിയിലെ അരവിന്ദൻ , എൻ.ടി . മനോജ് , പി.സന്തോഷ് എന്നിവർ സംസാരിച്ചു.
