പാനൂർ: കുന്നോത്ത് പറമ്പ് മണ്ഡലം കോൺഗ്രസ്സ് സെക്രട്ടറിയായിരുന്ന പാറായി ചന്ദ്രൻ്റെ ഓർമ്മയ്ക്കായി പണിത കെട്ടിടത്തിൻ്റെ ഉദ്ഘാടനം ശനിയാഴ്ച വൈകിട്ട് 5 മണിക്ക് നടക്കും. പാറായി ചന്ദ്രൻ കലാസാംസ്കാരിക വേദിയുടെ നേതൃത്വത്തിലാണ് കെട്ടിടം പണിതത്. ഇതോടനുബന്ധിച്ച് കോൺഗ്രസ് കുടുംബ സംഗമവും, എൻ ബാലൻ മാസ്റ്റർ, പാറായി സജീവൻ, ചന്ദ്രൻ അനുസ്മരണവും നടക്കും. രാവിലെ നടക്കുന്ന കുടുംബ സംഗമം ബ്ലോക്ക് കോൺഗ്രസ് പ്രസിഡൻറ് കെ.പി ഹാഷിം ഉദ്ഘാടനം ചെയ്യും. ജൂബിലി ചാക്കോ ക്ലാസ് നയിക്കും. 5 ന് നടക്കുന്ന അനുസ്മരണ സമ്മേളനം ഉദ്ഘാടനം കെ മുരളീധരൻ എം പി നിർവ്വഹിക്കും.ടി സിദ്ധീഖ് എം എൽ എ മുഖ്യ ഭാഷണം നടത്തും. എൻ ബാലൻ മാസ്റ്റർ സ്മാരക റീഡിങ്ങ് റൂം വി സുരേന്ദ്രൻ മാസ്റ്ററും, ഫോട്ടോ അനാഛാദനം കെ.പി സാജുവും നടത്തും. പത്രസമ്മേളനത്തിൽ പി ഭരതൻ മാസ്റ്റർ,
പി രാജൻ, പി പി തത്വപ്രകാശൻ, രജിത്ത് വിവി, ലിനിൽ പി പി , ടി പി ഭരതൻ എന്നിവർ പങ്കടുത്തു.
