കണ്ണൂര്‍ :ശിശുദിനത്തോടനുബന്ധിച്ച് കണ്ണൂര്‍ താലൂക്ക് ലീഗല്‍ സര്‍വീസ് കമ്മറ്റി കണ്ണൂര്‍ ജില്ലാ പരിവാറിന്റെയും സിറ്റി പോലീസ് കമ്മിഷണര്‍ ഓഫീസിന്റെയും സഹകരണത്തോടെ ഭിന്നശേഷികുട്ടികള്‍ക്ക് സൗഹൃദ ഫുട്‌ബോള്‍ മത്സരം നടത്തുന്നു. നവംബര്‍ 14ന് വൈകിട്ട് 4.30ന് കണ്ണൂര്‍ പോലീസ് ടര്‍ഫിലാണ് മത്സരം. രാമചന്ദ്രന്‍ കടന്നപ്പള്ളി എം എല്‍ എ ശിശുദിനസന്ദേശം നല്‍കും. കോര്‍പ്പറേഷന്‍ മേയര്‍ അഡ്വ. ടി ഒ മോഹനന്‍ ആദ്യ കിക്കെടുക്കും. കുടുംബ കോടതി ജില്ലാ ജഡ്ജി ആര്‍ എല്‍ ബൈജു, ജില്ലാ കലക്ടര്‍ അരുണ്‍ കെ വിജയന്‍, സിറ്റി പോലീസ് കമ്മീഷണര്‍ അജിത് കുമാര്‍, സബ് ജഡ്ജി വിന്‍സി ആന്‍ പീറ്റര്‍ ജോസഫ് തുടങ്ങിയവര്‍ കുട്ടികളുമായി സംവദിക്കും.
