ന്യൂമാഹി: ദുബായ് കരാമയിൽ വാതക സിലിണ്ടർ പൊട്ടിത്തെറിച്ചുണ്ടായ അപകടത്തിൽ മരിച്ച നിട്ടൂർ വീട്ടിൽ നിതിൻ ദാസിന്റെ പുന്നോൽ കുറിച്ചിയിലുള്ള വീട്ടിൽ സ്പീക്കർ, എം.പി, നേതാക്കൾ തുടങ്ങിയവർ സന്ദർശിച്ചു. നിയമസഭ സ്പീക്കർ അഡ്വ: എ.എൻ. ഷംസീർ വീട്ടിലെത്തി കുടുംബാംഗങ്ങളെ ആശ്വസിപ്പിച്ചു. ലോക്കൽ സെക്രട്ടറി കെ.ജയപ്രകാശൻ അനുഗമിച്ചു.കെ.മുരളീധരൻ എം.പി.യും വീട്ടിലെത്തി കുടുംബാംഗങ്ങളെ അനുശോചനം അറിയിച്ചു. വി.കെ.അനീഷ് ബാബു, കെ.വി.ദിവിത എന്നിവർ എം.പി.യെ അനുഗമിച്ചു.സി.പി.എം. ജില്ലാ സെക്രട്ടറി എം.വി.ജയരാജനും വീട്ടിലെത്തി കുടുംബാംഗങ്ങളെ ആശ്വസിപ്പിച്ചു.ഏറിയ സെക്രട്ടറി സി.കെ. രമേശൻ, ലോക്കൽ സെക്രട്ടറി കെ.ജയപ്രകാശൻ, സി.കെ. പ്രകാശൻ എന്നിവർ അനുഗമിച്ചു. ന്യൂ മാഹി പഞ്ചായത്ത് പ്രസിഡൻ്റ് എം.കെ. സെയ്തു തുടങ്ങി ഒട്ടേറെ പ്രമുഖരും നേതാക്കളും സന്ദർശിച്ചു.
