കണ്ണൂർ: കേരള തൊഴിലാളി ക്ഷേമനിധി ബോര്‍ഡിലെ വരിക്കാരായ തൊഴിലാളികളുടെ മക്കള്‍ക്ക് ഈ അധ്യയന വര്‍ഷത്തെ വിദ്യാഭ്യാസ ആനുകൂല്യത്തിന് ഓണ്‍ലൈനായി അപേക്ഷ ക്ഷണിച്ചു. ഈ അധ്യയന വര്‍ഷത്തില്‍ എട്ട്, ഒമ്പത്, പത്ത് ക്യാഷ് അവാര്‍ഡ്/ പ്ലസ് വണ്‍/ ബി എ/ ബി കോം/ ബി എസ് സി/ എം എ/എം കോം/ (പാരലല്‍ സ്ഥാപനങ്ങളില്‍ പഠിക്കുന്നവര്‍ അപേക്ഷിക്കേണ്ടതില്ല) എം എസ് ഡബ്ല്യു/ എം എസ് സി/ ബി എഡ്/ പ്രൊഫഷണല്‍ കോഴ്സുകളായ എഞ്ചിനീയറിങ്/ എം ബി ബി എസ്/ ബി ഡി എസ്/ ഫാം ഡി/ ബി എസ് സി നഴ്സിങ്/ പ്രൊഫഷണല്‍ പി ജി കോഴ്സുകള്‍/പോളിടെക്നിക് ഡിപ്ലോമ/ ടി ടി സി/ ബി ബി എ/ ഡിപ്ലോമ ഇന്‍ നഴ്സിങ്/ പാരാ മെഡിക്കല്‍ കോഴ്സ്/ എം സി എ/ എം ബി എ/ പി ജി ഡി സി എ/ എഞ്ചിനീയറിങ് (ലാറ്ററല്‍ എന്‍ട്രി)/ അഗ്രികള്‍ച്ചറല്‍/ വെറ്ററിനറി/ ഹോമിയോ/ ബി ഫാം/ ആയുര്‍വെദം/ എല്‍ എല്‍ ബി (മൂന്ന്, അഞ്ച് വര്‍ഷം)/ ബി ബി എം/ ഫിഷറീസ്/ ബി സി എ/ ബി എല്‍ ഐ എസ് സി/ എച്ച് ഡി സി ആന്റ് ബി എം/ ഡിപ്ലോമ ഇന്‍ ഹോട്ടല്‍ മാനേജ്മെന്റ്/ സി എ ഇന്റര്‍മീഡിയറ്റ്/ മെഡിക്കല്‍ എഞ്ചിനീയറിങ് എന്‍ട്രന്‍സ് കോച്ചിങ്/ സിവില്‍ സര്‍വീസ് കേച്ചിങ് എന്നീ കോഴ്സുകള്‍ക്ക് പഠിക്കുന്നവര്‍ക്ക് അപേക്ഷിക്കാം. മുന്‍ വര്‍ഷങ്ങളില്‍ ആനുകൂല്യം ലഭിച്ചിട്ടുള്ളവര്‍ ആനുകൂല്യം പുതുക്കുന്നതിനുള്ള അപേക്ഷ ഓണ്‍ലൈനായി സമര്‍പ്പിക്കണം. അപേക്ഷകന്‍ ജോലി ചെയ്യുന്ന സ്ഥാപന മേധാവിയുടെ സാക്ഷ്യപത്രം, വിദ്യാര്‍ഥി പഠിക്കുന്ന സ്ഥാപനത്തിന്റെ മേലധികാരി നല്‍കുന്ന സാക്ഷ്യപത്രം എന്നിവയുടെ മാതൃക വെബ്സൈറ്റില്‍ നിന്നും ഡൗണ്‍ലോഡ് ചെയ്തെടുത്ത് സാക്ഷ്യപ്പെടുത്തിയ ശേഷം www.labourwelfarefund.in ല്‍ ഓണ്‍ലൈനായി ഡിസംബര്‍ 20ന് വൈകിട്ട് അഞ്ച് മണിക്കകം അപേക്ഷ സമര്‍പ്പിക്കണം.
