ബൈക്ക് യാത്രികനെ പൊലീസ് വാഹനം ഇടിച്ചു തെറിപ്പിച്ചു; നിര്‍ത്താതെ പോയി; യുപിയില്‍ യുവാവിന് ദാരുണാന്ത്യം; വീഡിയോ
ലക്‌നൗ: ബൈക്ക് യാത്രികനെ ഇടിച്ചുതെറിപ്പിച്ച ശേഷം പൊലീസ് വാഹനം നിര്‍ത്താതെ പോയി. ഗുരുതരമായി പരിക്കേറ്റയുവാവിനെ നാട്ടുകാര്‍ ഉടന്‍ തന്നെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഉത്തര്‍പ്രദേശിലെ അംരോഹയിലാണ് സംഭവം.അപകടത്തിന്റെ സിസിടിവി ദൃശ്യങ്ങള്‍ പുറത്തുവന്നതിന് പിന്നാലെ പൊലീസ് കേസ് രജിസ്റ്റര്‍ ചെയ്തു. 42കാരനായ മുറാദ് അലിയാണ് മരിച്ചത്. ഇയാള്‍ ജോലി കഴിഞ്ഞ് വീട്ടിലേക്ക് മടങ്ങുന്നതിനിടെയാണ് പൊലീസ് വാഹനം ഇടിച്ചിട്ടത്. ബറേലി സോണിലുള്ള അഡീഷണല്‍ എസ്പി റാങ്കിലുള്ള ഉദ്യോഗസ്ഥന്റെ വാഹനമാണ് ബൈക്കില്‍ ഇടിച്ചത്.
