പാനൂർ : സ്വര സാധകം സംഗീത പരിശീലനത്തിന് പാനൂരിൽ തുടക്കമായി. സമഗ്ര ശിക്ഷാ കേരളം കണ്ണൂർ – പാനൂർ ബി.ആർ.സി യുടെ നേതൃത്വത്തിൽ ജൂൺ 21 ലോക സംഗീത ദിനത്തിൽ ഓൺലൈൻ സംഗീത പരിശീലനത്തിന് തുടക്കമായി. പരിശീലനം പ്രശസ്ത സംഗീതജ്ഞഡോ: ആർ.വി. സുമ ഉദ്ഘാടനം ചെയ്തു. ബ്ലോക്ക് പ്രോജക്ട് കോ-ഓർഡിനേറ്റർ കെ.വി അബ്ദുൾ മുനീർ പദ്ധതി വിശദീകരിച്ചു. പാനൂർ ബി.ആർ.സിയിലെ സംഗീത അധ്യാപകൻ പ്രമോദ് കുമാർ ക്ലാസ് നയിക്കും. പാനൂർ സബ് ജില്ലയിലെ 250ഓളം വിദ്യാർത്ഥികൾ പരിശീലനത്തിൻ്റെ ഭാഗമാകും വർഷാവസാനം മികച്ച പ്രകടനം കാഴ്ചവയ്ക്കുന്ന കുട്ടികൾക്ക് പുരസ്കാരങ്ങൾ നല്കും.
