കോൺഗ്രസ് ചെമ്പ്ര വാർഡ് കമിറ്റിയുടെ നേതൃത്വത്തിൽ മുൻ കേരള മുഖ്യമന്ത്രി ലീഡർ കെ. കരുണാകരന്റെ 15-മാത് ചരമ വാർഷിക ദിനം ആചരിച്ചു. ഛായ ചിത്രത്തിൽ പുഷ്പാർച്ചനയും അനുസ്മരണവും നടത്തി. യോഗത്തിൽ ചെമ്പ്ര വാർഡ് കോൺഗ്രസ് പ്രസിഡന്റ് ഭാസ്ക്കരൻ കുന്നുമ്മൽ അധ്യക്ഷത വഹിച്ചു. മാഹി ബ്ലോക്ക് കോൺഗ്രസ് ജനറൽ സെക്രട്ടറി ഉത്തമൻ തിട്ടയിൽ അനുസ്മരണ യോഗം ഉദ്ഘാടനം ചെയ്തു. കോൺഗ്രസ് നേതാക്കളായ ജിജേഷ് കുമാർ ചാമേരി, എം.പി.ശ്രിനിവാസൻ, പി.കെ.ശ്രീധരൻ മാസ്റ്റർ, അജിതൻ.സി, പ്രഭാകരൻ ചെമ്പ്ര എന്നിവർ സംസാരിച്ചു.
