ന്യൂമാഹി: തലശ്ശേരി ബ്ലോക്ക് പഞ്ചായത്ത് പുഷ്പകൃഷി 2022-23 പദ്ധതിയുടെ ഭാഗമായി ന്യൂമാഹി പഞ്ചായത്ത് തലത്തിൽ പുഷ്പകൃഷി തുടങ്ങി. പുഷ്പച്ചെടി നടീൽ ഉദ്ഘാടനം ചെണ്ടുമല്ലി തൈകൾ നട്ട് ഗ്രാമപഞ്ചായത്ത് പ്രസിഡന്റ് എം.കെ. സെയിത്തു നിർവഹിച്ചു.
ന്യൂമാഹി ഗ്രാമപഞ്ചായത്തിലെ മൂന്നാം വാർഡിലെ കാവേരി കുടുംബശ്രീയുടെ നേതൃത്വത്തിലാണ് കൃഷി തുടങ്ങിയത്.
പഞ്ചായത്ത് അംഗം എം.കെ. ലത, കൃഷി ഓഫീസർ എസ്.അഗിഷ,
കൃഷി അസിസ്റ്റന്റ് കെ.പി. സുരേഷ്ബാബു, സി.ഡി.എസ് അധ്യക്ഷ കെ.പി. ലീല, എൻ.വി.സുഷമ, സി.സി.എസ്. അംഗം എ.റീത്ത തുടങ്ങിയവർ പങ്കെടുത്തു.
