പാനൂർ: ആസന്നമായ പാർലമെൻ്റ് തെരഞ്ഞെടുപ്പിൽ ഭരണകക്ഷിയായ ബി.ജെ.പി പരാജയഭീതിയിലാന്നെന്നും സഖ്യകക്ഷികൾ ഒരോന്നായി മുന്നണി ബന്ധം ഉപേക്ഷിക്കുകയാണെന്നും രാഷ്ട്രീയ ജനതാദൾ സംസ്ഥാന സെക്രട്ടറി ജനറൽ ഡോ. വർഗ്ഗീസ് ജോർജ്ജ് പറഞ്ഞു. വർഗ്ഗീയ കക്ഷികളിൽ തെരഞ്ഞെടുപ്പ് കഴിയുന്നതോടെ രാജ്യം മോചിതമാകുമെന്നും ഇന്ത്യാ മുന്നണി കരുത്തോടെ ഇതിനായി സജ്ജമായിരിക്കയാണെന്നും അദ്ദേഹം പറഞ്ഞു. മുൻ മന്ത്രി .പി.ആർ കുറുപ്പിൻ്റെ ഇരുപത്തിമൂന്നാം ചരമവാർഷികാചരണത്തിൻ്റെ ഭാഗമായി കുന്നോത്ത് പറമ്പിൽ നടന്ന വമ്പിച്ച പി.ആർ.അനുസ്മരണ റാലി യും പൊതുസമ്മേളനവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം ആർ.ജെ.ഡി ജില്ലാ പ്രസിഡണ്ട് വി.കെ.ഗിരിജൻ അദ്ധ്യക്ഷത വഹിച്ചു.
സംസ്ഥാന വൈസ് പ്രസിഡണ്ട് കെ.പി.മോഹനൻ എം.എൽ.എ , സംസ്ഥാന ജനറൽ സെക്രട്ടറിമാരായ സലീം മടവൂർ , സബാഹ് പുല്പറ്റ , പി.കെ. പ്രവീൺ , സംസ്ഥാന സെക്രട്ടറി ഉഷ രയരോത്ത്, മഹിളാ ജനതാദൾ സംസ്ഥാന പ്രസിഡന്റ് ഒ.പി. ഷീജ. കെ.പി.ചന്ദ്രൻ മാസ്റ്റർ, രവീന്ദ്രൻ കുന്നോത്ത്, ഹരീഷ് കടവത്തൂർ, കെ.പി സായന്ത്, കെ.പി. പ്രഭാകരൻ എന്നിവർ പ്രസംഗിച്ചു. കോഴിക്കോട് ജില്ലാ പ്രസിഡന്റ് എം.കെ.ഭാസ്ക്കരൻ , തിരുവനന്തപുരം ജില്ലാ പ്രസിഡൻറ് മലയിൻകീഴ് ചന്ദ്രൻ നായർ , സുനിൽ ഖാൻ എന്നിവർ സംബന്ധിച്ചു. കണ്ണൂർ ജില്ലാ പ്രസിഡന്റ് വി.കെ.ഗിരിജൻ അദ്ധ്യക്ഷത വഹിച്ചു. എൻ. ധനഞ്ജയൻ സ്വാഗതവും പി.ദിനേശൻ നന്ദിയും പറഞ്ഞു. പരിപാടിയുടെ ഭാഗമായി നടന്ന മഹിളാ സംഗമം ആർ.ജെ.ഡി ദേശീയ സെക്രട്ടറി അനുചാക്കോ ഉദ്ഘാടനം ചെയ്തു. മണ്ഡലം പ്രസിഡണ്ട് ചന്ദ്രിക പതിയൻറവിട അദ്ധ്യക്ഷത വഹിച്ചു. മഹിളാ ജനത സംസ്ഥാന പ്രസിഡണ്ട് ഒ.പി. ഷീജ മുഖ്യ പ്രഭാഷണം നടത്തി.ആർ.ജെ.ഡി സംസ്ഥാന സെക്രട്ടറി ഉഷരയരോത്ത്, ചീളിൽ ശോഭ, എന്നിവർ സംസാരിച്ചു. പി.ഷൈറീന സ്വാഗതവും കെ. പ്രസീത നന്ദിയും പറഞ്ഞു.
