മാഹി : മാഹി വൈദ്യുതി വകുപ്പിൽ നിന്നും മുപ്പത് വർഷത്തെ സേവനത്തിനുശേഷം വിരമിക്കുന്ന അസിസ്റ്റന്റ് ലൈൻ ഇൻസ്പെക്ടർ പി പി.മുരളീധരൻ, പത്തൊൻപത് വർഷത്തെ സേവനത്തിനുശേഷം വിരമിക്കുന്ന മുൻ സൈനികനും വയർമാനുമായ വി.എം. രജീഷ് എന്നിവർക്ക് മാഹി ഇലക്ട്രിസിറ്റി വർക്കേർസ് യൂണിയൻ (ഐ.എൻ.ടി.യു.സി ) യാത്രയയപ്പ് നൽകി. പ്രസിഡന്റ് ശ്രീ.കെ.രവീന്ദ്രൻ അധ്യക്ഷനായി.കൗൺസിൽ ഓഫ് സർവീസ് ഓർഗനൈസേഷൻ ചെയർമാൻ കെ. ഹരീന്ദ്രൻ ഉദ്ഘാടനം ചെയ്തു.കൗൺസിൽ ഓഫ് സർവീസ് ഓർഗനൈസേഷൻ പ്രസിഡന്റ് ജയിംസ് സി ജോസഫ് , ജനറൽ സെക്രട്ടറി കെ പ്രശോഭ് എന്നിവർ ആശംസയർപ്പിച്ചു. സി.കെ. സമിൻ സ്വാഗതവും എ വി. പ്രവീൺകുമാർ നന്ദിയും പറഞ്ഞു.
