പെരിങ്ങത്തൂർ : മയക്കുമരുന്ന് – സിന്തറ്റിക് ലഹരി മാഫിയകൾക്കെതിരെ ഡി.വൈ.എഫ്.ഐ പാനൂർ ബ്ലോക്ക് കമ്മിറ്റിയുടെ നേതൃത്വത്തിൽ ജാഗ്രതാ പരേഡ് നടന്നു. ചൊക്ലി കാഞ്ഞിരത്തിൽ കീഴിൽ നിന്നും ആരംഭിച്ചു പെരിങ്ങത്തൂരിൽ സമാപിച്ചു.
ടൗണിൽ നടന്ന ലഹരി വിരുദ്ധ കൂടായ്മ ഡി. വൈ.എഫ്.ഐ ജില്ലാ പ്രസിഡൻ്റ് മുഹമ്മദ് അഫ്സൽ ഉദ്ഘാടനം ചെയ്തു. ബ്ലോക്ക് പ്രസിഡൻ്റ് എൻ.കെ. റൂബിൻ അധ്യക്ഷനായി. കെ. ഷിൻ്റു, വിവേക് പൊയിലൂർ, അതുൽരാജ് പെരിങ്ങത്തൂർ എന്നിവർ സംസാരിച്ചു. ബ്ലോക്ക് സെക്രട്ടറി കിരൺ കരുണാകരൻ സ്വാഗതവും, വി.കെ. അമൽരാജ് നന്ദിയും പറഞ്ഞു.
