ന്യൂ മാഹി: പെരിങ്ങാടി ശ്രീ കാഞ്ഞിരമുള്ള പറമ്പ് ക്ഷേത്തിൽ മകരമാസത്തിലെ ആയില്യം നാൾ ആഘോഷം സമുചിതമായി ആഘോഷിച്ചു. രാവിലെ 6 മുതൽ വൈകുന്നേരം 6വരെ അഖണ്ഡനാമ ജപം, ഉച്ചക്ക് നാഗപൂജ, മുട്ട സമർപ്പണം തുടർന്ന് പ്രസാദഊട്ടും നടന്നു. ക്ഷേത്ര മേൽശാന്തി മാടമന ഈശ്വരൻ നമ്പൂതിരി മുഖ്യകാർമികത്വം വഹിച്ചു.
ക്ഷേത്രത്തിലെ ഈ വർഷത്തെ തിറമഹോത്സവം ഫെബ്രുവരി 9 മുതൽ 13 വരെ വിവിധ പരിപാടികളോട്കൂടി ആഘോഷിക്കുമെന്ന്‌ ക്ഷേത്ര ഭാരവാഹികൾ അറിയിച്ചു. ക്ഷേത്രത്തിന്റെ കീഴിൽ പ്രവർത്തിക്കുന്ന ഗംഗധാരൻ മാസ്റ്റർ സ്മാരക വായനശാല ഗ്രന്ഥാലയത്തിന്റെ വാർഷിക ആഘോഷത്തിന്റെ ഭാഗമായി നടക്കുന്ന ധീര ജവാൻ ഷാജി സ്മാരക സ്വർണ മെഡലിന് വേണ്ടിയുള്ള ഉത്തര മേഖല ചിത്രരചന മത്സരം ഫെബ്രുവരി 2ഞായറാഴ്ച രാവിലെ 10 മണിക്ക് ക്ഷേത്ര ഓഡിറ്റോറിയത്തിൽ വച്ചു ഫ്രീലാൻസ് ആർട്ടിസ്റ്റ് നിഷ ഭാസ്കരൻ ഉത്ഘാടനം ചെയ്യും. L kg,Ukg ജൂനിയർ Lp സീനിയർ Lp up വിഭാഗം കുട്ടികൾക്ക് മത്സരത്തിൽ പങ്കെടുക്കാം..
