ജില്ലാ തല സംഘാടക സമിതിയുടെ ആഭിമുഖ്യത്തിലുള്ള വായനാ മാസാചരണത്തിന്റെ ഭാഗമായി സ്‌കൂള്‍ വിദ്യാര്‍ഥികള്‍ക്കായി സംഘടിപ്പിച്ച ജില്ലാതല സാഹിത്യ മത്സരത്തിലെ വിജയികളെ പ്രഖ്യാപിച്ചു. യുപി സ്‌കൂള്‍ വിദ്യാര്‍ഥികള്‍ക്കായി നടത്തിയ നോവല്‍ ആസ്വാദന മത്സരത്തില്‍ ആലക്കോട് എന്‍എസ്എസ് ഹയര്‍ സെക്കണ്ടറി സ്‌കൂളിലെ ടെല്‍ഗ തെരേസ ബാബു ഒന്നാം സ്ഥാം നേടി. ഇരിക്കൂര്‍ സെന്റ് ജോസഫ് യുപിയിലെ ലിയോ മോള്‍ ജോബന്‍ രണ്ടാം സ്ഥാനവും പുറത്തില്‍ ന്യൂ മാപ്പിള യുപിയിലെ ഫാത്തിമ ബത്തൂല്‍ മൂന്നാം സ്ഥാനവും നേടി.തിരക്കഥ രചനാമത്സരത്തില്‍ ഹൈസ്‌ക്കൂള്‍ വിഭാഗത്തില്‍ മൊറാഴ ജിഎച്ച്എസ്എസിലെ ആഷിതും ഹയര്‍സെക്കണ്ടറി വിഭാഗത്തില്‍ മണിക്കടവ് സെന്റ് തോമസ് എച്ച്എസ്എസിലെ ജസ്മിന്‍ പ്രസാദും ഒന്നാം സ്ഥാനം നേടി. ഹൈസ്‌ക്കൂള്‍ വിഭാഗത്തില്‍ രണ്ടാം സ്ഥാനം മുണ്ടേരി ജിഎച്ച്എസ്എസിലെ അജയ് കെ അരവിന്ദും മൂന്നാം സ്ഥാനം മാലൂര്‍ ജിഎച്ച്എസ്എസിലെ മെറിന്‍ റോസ് ബിനോയിയും കരസ്ഥമാക്കി.ബിആര്‍സി തലത്തില്‍ തെരഞ്ഞെടുക്കപ്പെട്ട മികച്ച രചനകളാണ് ഇരു വിഭാഗത്തിലും ജില്ലാ തല മത്സരത്തിന് പരിഗണിച്ചത്. സമ്മാനദാനം ജില്ലാതല സമാപന പരിപാടിയില്‍ നടക്കും.
