പൊയിലൂർ: ശ്രീനാരായണ മഠം 53ാം വാർഷികാഘോഷത്തിന് തുടക്കമായി. ജനുവരി 3, 4, 5 തിയ്യതികളിലാണ് ആഘോഷ പരിപാടികൾ .രാവിലെ മഠം പ്രസിഡണ്ട് രവീന്ദ്രൻ പൊയിലൂർ പതാക ഉയർത്തിയതോടെ ഉത്സവ പരിപാടികൾ ആരംഭിച്ചു. വൈകുന്നേരം ഗുരുദേവ ഛായ പടം വഹിച്ചു കൊണ്ടുള്ള വർണാഭമായ ഘോഷയാത്ര ഗ്രാമപ്രദക്ഷിണം നടത്തി.
തുടർന്ന് നടന്ന സമ്മേളനത്തിൽ ശിവഗിരി മഠത്തിലെ ശ്രീമദ് പ്രബോധതീർത്ഥ സ്വാമികൾ ആഘോഷ പരിപാടികൾ ഉദ്ഘാടനം ചെയ്തു. ആഘോഷ കമ്മിറ്റി പ്രസിഡണ്ട് എൻ.കെ നാണു അധ്യക്ഷത വഹിച്ചു.ഗ്രാമ പഞ്ചായത്ത് അംഗം ബാലൻ കൊള്ളുമ്മൽ, ഗുരുധർമ്മപ്രചരണ സഭ കോഴിക്കോട് ജില്ലാ സെക്രട്ടറി അഡ്വ: ശ്യാം അശോക്, ബിജിത്ത് മാവിലാട്, രവീന്ദ്രൻ പൊയിലൂർ എന്നിവർ പ്രസംഗിച്ചു. ആഘോഷ കമ്മിറ്റി സെക്രട്ടറി കെ.കെ ദിനേശൻ സ്വാഗതവും ട്രഷറർ എസ്. പി ബാലൻ നന്ദിയും പറഞ്ഞു.
