പാനൂർ :തലശ്ശേരി താലൂക്ക് ലൈബറി കൗൺസിൽ ബാലവേദി സർഗ്ഗോത്സവം 26 , 27 ചൊവ്വ , ബുധൻ ദിവസങ്ങളിൽ പാനൂർ പി.ആർ. മെമ്മോറിയൽ ഹയർ സെക്കന്ററി സ്കൂളിൽ നടക്കും.ലൈബ്രറി തലത്തിലുള്ള പ്രതിനിധികളായി മുന്നൂറിലേറെ
യു പി ,ഹൈസ്കൂൾ കുട്ടികൾ ,12 ഇനങ്ങളിലായുള്ള മത്സരങ്ങളിൽ പങ്കെടുക്കും. 26 ന് വൈകിട്ട് 3.30 ന് കേരള ലൈബ്രറി കൗൺസിൽ സെക്രട്ടറി വി.കെ. മധു സർഗ്ഗോത്സവം ഉദ്ഘാടനം ചെയ്യും.27 ന് രാവിലെ 9.30 ന് രജിസ്ട്രേഷൻ ആരംഭിക്കുമെന്ന് കെ.പി.മോഹനൻ എം എൽ എ , കണ്ണൂർ ജില്ല ലൈബ്രറി കൗൺസിൽ സെക്രട്ടറി മുകുന്ദൻ മഠത്തിൽ , തലശ്ശേരി താലൂക്ക് ലൈബറി കൗൺസിൽ സെക്രട്ടറി പവിത്രൻ മൊകേരി , എം.കെ. വിശ്വനാഥൻ , കെ.കുമാരൻ എന്നിവർ അറിയിച്ചു.
