പാനൂർ പാലിയേറ്റീവ് ബ്ലഡ് ഡോണേഴ്സ് കേരളയുടെ സഹകരണത്തോടെ മൂന്നാമത് സന്നദ്ധ രക്തദാന ക്യാമ്പ് സംഘപ്പിച്ചു.
പാനൂർ : ആരോഗ്യ രംഗത്ത് അമ്പത് വർഷത്തിലേറെയായി പ്രവർത്തിച്ചുവരുന്ന പാനൂരിന്റെ ജനകീയ ഡോ: ഷഹീദ് കെ സന്നദ്ധ രക്തദാന ക്യാമ്പ് ഉദ്ഘാടനം ചെയ്തു. മുൻ കാലങ്ങളിലും ഇപ്പോഴും രക്തദാന രംഗത്ത് വന്ന മാറ്റങ്ങളെ പറ്റിയും ഇപ്പോൾ നിരവധി ആളുകൾ രക്തദാന രംഗത്ത് സജീവമായി നിൽക്കുന്നതിലെ സന്തോഷവും അദ്ദേഹം ഉദ്ഘാടന പ്രസംഗത്തിൽ പങ്കുവെച്ചു.മലബാർ കാൻസർ സെന്റർ ബ്ലഡ് ബാങ്ക് ഇൻ ചാർജ് ഡോ : അഞ്ജുകുറുപ്പ് രക്തത്തിലെ ഹീമോഗ്ലോബിന്റെ ഏറ്റക്കുറിച്ചുണ്ടാകുന്നതിനെക്കുറിച്ചും , അതിന്റെ കാരണങ്ങളെക്കുറിച്ചും വിശദീകരിച്ചു. പാനൂർ പാലിയേറ്റീവ് സിക്രട്ടറി ശ്രി സുലൈമാൻ ഹാജി അദ്ധ്യക്ഷത വഹിച്ച ചടങ്ങിൽ അറുപത് വയസ്സായിട്ടും മൂന്ന് മാസം കൂടുമ്പോൾ സന്നദ്ധ രക്തദാനം നടത്തുന്ന ഇ എം ബഷീർ, ബി ഡി കെ കണ്ണൂർ ജില്ലാ വൈസ് പ്രസിഡന്റ് റിയാസ് വട്ടക്കാരി കൈതാൽ മാഹി, തലശ്ശേരി താലൂക്ക് സിക്രട്ടറി ഷംസീർ പരിയാട്ട്, ജോ : സിക്രട്ടറി അനസ് മുബാറക്ക് എന്നിവർ ആശംസകളർപ്പിച്ചു. ക്യാമ്പിന് മലബാർ കാൻസർ സെന്റർ പ്രവർത്തകരായ അരുൺ, സജീഷ്, മായ, ബി ഡി കെ, പാനൂർ പാലിയേറ്റീവ് പ്രവർത്തകരായ ഷക്കീല, മുംതാസ്, ജസീല എന്നിവർ നേതൃത്വം നൽകി.നിരവധിപേർ രക്തദാനം ചെയ്ത പരിപാടിയിൽ ബിഡി കെ, പാനൂർ പാലിയേറ്റീവ് പ്രവർത്തകനായ റയീസ് പാനൂർ സ്വാഗതവും പാനൂർ പാലിയേറ്റീവ് വളണ്ടിയറും ബി ഡി കെ എഞ്ചൽസ് വിങ് കണ്ണൂർ ജില്ലാ ട്രഷററുമായ ഷാഹിന സലാം നന്ദിയും പറഞ്ഞു.
