കൊട്ടിയൂർ ഉത്സവ നാളുകളിൽ തലശ്ശേരിയിൽ ഫെസ്റ്റിവൽ സ്റ്റോപ്പ് അനുവദിച്ച 16355/16356അന്ത്യോദയ എക്പ്രസ്സിനും, 12201/12202 KCVL -LTT ഗരീബ് രഥ് എക്പ്രസ്സിനും, വന്ദേ ഭാരതിനും സ്റ്റോപ്പ് അനുവദിക്കുക, സ്റ്റേഷനിൽ ഐലൻഡ് പ്ളാറ്റ്ഫോം നിർമ്മിക്കുക, ബർത്തിങ്ങ് സൗകര്യങ്ങൾ കൂട്ടുക, റിട്ടയറിങ്ങ് മുറികളും ഡോർമിറ്ററിയും നിർമ്മിക്കുക തുടങ്ങി സ്റ്റേഷൻ അഭിമുഖീകരിക്കുന്ന അടിസ്ഥാന പ്രശ്നങ്ങൾ പരിഹരിക്കണമെന്നാവശ്യപ്പെടുകയും, റെയിൽവേ മന്ത്രാലയം തലശ്ശേരിയിൽ സ്റ്റോപ്പ് അനുവദിച്ച് കോഴിക്കോട് വരെ നീട്ടിയ 10511/ 10512 ബംഗ്ളൂരു കണ്ണൂർ എക്സ്പ്രസ്സ് ഉടൻ സർവ്വിസ് ആരംഭിക്കുക. സർവ്വേയിൽ കുടുങ്ങി കിടക്കുന്ന തലശ്ശേരി-മൈസൂർ റെയിൽ പാതയ്ക്ക് പച്ചകൊടി കാട്ടുക തുടങ്ങിയ ആവശ്യങ്ങളും ഉന്നയിച്ച് റെയിൽവേ പാസ്സഞ്ചേഴ്സ് അസോസിയേഷൻ ഭാരവാഹികളായ ശശികുമാർ കല്ലിഡുംബിൽ, ഗിരീഷ് കുമാർ മക്രേരി എന്നിവർ ബി.ജെ.പി സംസ്ഥാന പ്രസിഡണ്ട് ശ്രീ.രാജീവ് ചന്ദ്രശേഖറിനെ നേരിട്ട് കണ്ട് മെമ്മോറാൻഡം സമർപ്പിച്ചു.
