ഇൻ്റർനാഷണൽ ഒളിമ്പിക് കമ്മിറ്റി അംഗീകാരമുള്ള വേൾഡ് കരാത്തെ ഫെഡറേഷൻ കോച്ചായി തിരെഞ്ഞെടുക്കപ്പെട്ട
സെൻസായ് വിനോദ് കുമാറിനെ ആദരിക്കുന്നു. സ്പോർട്സ് കരാത്തെ ഡോ അക്കാദമി ഓഫ് ഇന്ത്യ സംഘടിപ്പിക്കുന്ന ആദരസായാഹ്നം ഏപ്രിൽ 20 ന് വൈകു. 4 മണിക്ക് മാഹി ഇ.വത്സരാജ് സിൽവർ ജൂബിലി ഹാളിൽ രമേശ് പറമ്പത്ത് എം.എൽ.എ ഉദ്ഘാടനം ചെയ്യും. മുൻ മന്ത്രി ഇ.വത്സരാജ് ആദരസമർപ്പണം നടത്തും. പാനൂർ നഗരസഭ ചെയർമാൻ കെ.പി.ഹാഷിം മുഖ്യാതിഥിയായിരിക്കും. വി.കെ.സുരേഷ് ബാബു അധ്യക്ഷത വഹിക്കും. തലശ്ശേരി നഗരസഭ കൗൺസിലർ കെ.ലിജേഷ്, മയ്യഴി നഗരസഭ മുൻ കൗൺസിലർമാരായ സത്യൻ കേളോത്ത്, വടക്കൻ ജനാർദ്ദനൻ, മാധ്യമ പ്രവർത്തകൻ ചാലക്കര പുരുഷു, എ.ദിനേശൻ, ബിജിഷ റിജു എന്നിവർ സംസാരിക്കും. യു.എ.ഇ യിൽ വെച്ച് 100ൽ പരം രാജ്യങ്ങൾ പങ്കെടുത്ത ഡബ്ല്യു.കെ.എഫ് യൂത്ത് ലീഗ് കരാത്തെ ചാമ്പ്യൻഷിപ്പിൽ ഇന്ത്യൻ ടീമിനെ പ്രതിനിധീകരിച്ച് പങ്കെടുത്ത വിനോദ് അവിടെ നടന്ന സെമിനാറിൽ വെച്ചാണ് ഡബ്ല്യു.കെ.എഫിൻ്റെ അംഗീകൃത സെലക്ഷൻ കോച്ചായി തിരെഞ്ഞെടുക്കപ്പെട്ടത്.
