മാഹി : അഗതികൾക്കും ആലംബഹീനർക്കും മാഹി സി.എച്ച് സെൻ്ററിൻ്റെ ആഭിമുഖ്യത്തിൽ ഇത്തവണയും വിഷുക്കോടിയും ,ഭക്ഷ്യ കിറ്റുകളും, വിഷു കൈനീട്ടവും നൽകി.
മാഹി സർവ്വീസ് സഹകരണ ബേങ്ക് ഓഡിറ്റോറിയത്തിൽ നടന്ന ചടങ്ങിൽ വെച്ചാണ് മുൻസിപ്പാൽ പരിധിയിലെ ശുചീകരണ തൊഴിലാളികൾക്ക് വിഷു കിറ്റുകൾ വിതരണം ചെയ്തത്.
സി.എച്ച്.സെൻ്റർ പ്രസിഡണ്ട് എ.വി.യൂസഫിൻ്റെ അദ്ധ്യക്ഷതയിൽ നഗരസഭാ കമ്മീഷണർ സതേന്ദർ സിങ്ങ് വിതരണോദ്ഘാടനം നിർവ്വഹിച്ചു.
ഇ. കെ മുഹമ്മദലി ,അഡ്വ. ശാഹുൽ ഹമീദ് ,അസീസ് ഹാജി പന്തക്കൽ, എ വി അൻസാർ ,ചാലക്കര പുരുഷു സംസാരിച്ചു.
മാഹി വൃദ്ധസദനിലും സി എച്ച് സെൻ്റർ പ്രവർത്തകർ പതിവുപോലെ വിഷുക്കോടിയും, ഭക്ഷ്യവസ്തുക്കളും വിതരണം ചെയ്തു.
മുഹമ്മദ്‌ താഹ, മുഹമ്മദ്‌ റംസാൻ ,
റിഷാദ് ,എവി.ഷഹൽ ,ഷിഫാൻ നേതൃത്വം നൽകി..
ചിത്രവിവരണം: നഗരസഭാ കമ്മീഷണർ സതേന്ദർ സിംഗ് ഉദ്ഘാടനം ചെയ്യുന്നു
