മാഹി: മാഹി സ്പോർട്സ് ക്ലബ്ബ് ലൈബ്രറി & കലാസമിതിയുടെ ആഭിമുഖ്യത്തിൽ 2025 ഫിബ്രവരി 08 മുതൽ 23 വരെ മയ്യഴി ഫ്ലഡ് ലിറ്റ് ഗ്രൗണ്ടിൽ നടക്കുന്ന വിന്നേർസിനുള്ള ഡൗൺടൗൺ മാൾ ട്രോഫിക്കും, സൈലം ഷീൽഡിന്നും അതുപോലെ റണ്ണേർസിനുള്ള ലക്സ് ഐവി സലൂൺ ട്രോഫിക്കും മെൻസ് ക്ലബ്ബ് സലൂൺ ഷീൽഡിന്നും വേണ്ടിയുള്ള നാൽപ്പത്തി ഒന്നാമത് അഖിലേന്ത്യാ സെവൻസ് ഫുട്ബാൾ ടൂർണ്ണമെൻ്റിൻ്റെ ഗാലറി കാൽനാട്ട് കർമ്മം മയ്യഴി പോലീസ്സ് സബ്ബ്.ഇൻസ്പെക്ടർ ശ്രീ.കെ.സി.അജയകുമാർ നിർവ്വഹിച്ചു. മയ്യഴി കോളേജ് മൈതാനത്ത് വച്ചു നടന്ന ചടങ്ങിൽ മയ്യഴി ഫുട്ബാൾ ടൂർണ്ണമെൻ്റിൻ്റെയും മാഹി സ്പോർട്സ് ക്ലബ്ബിൻ്റെയും പ്രതിനിധികൾ പങ്കെടുത്തു.
മയ്യഴി ഫുട്ബാൾ ടൂർണ്ണമെൻറ് കോർഡിനേറ്റർ ശ്രീ.കെ.സി. നികിലേഷ് അദ്ധ്യക്ഷം വഹിച്ച ചടങ്ങിൽ മയ്യഴി പോലീസ്സ് സബ്ബ് ഇൻസ്പെക്ടർ ശ്രീ.കെ.സി.അജയകുമാർ, ശ്രീ.അടിയേരി ജയരാജൻ, ടൂർണ്ണമെൻ്റ് കമ്മറ്റി ചെയർമാൻ ശ്രീ.അനിൽ വിലങ്ങിൽ എന്നിവർ സംസാരിച്ചു. ടൂർണ്ണമെൻ്റ് മീഡിയാ കോർഡിനേറ്റർ ശ്രീകുമാർ ഭാനു നന്ദി പറഞ്ഞു.
🎉
