മാഹി : മാഹി ശ്രീകൃഷ്ണ ക്ഷേത്രം, ശ്രീകൃഷ്ണ ഭജന സമിതിയുടെ വാർഷിക ജനറൽ ബോഡി യോഗം നടന്നു. ക്ഷേത്രം ഹാളിൽ നടന്ന യോഗത്തിൽ പ്രസിഡൻ്റ് പി.പി വിനോദ് അധ്യക്ഷനായി. ജനറൽ സെക്രട്ടറി പി.വേണുഗോപാൽ പ്രവർത്തന റിപ്പോർട്ട് അവതരിപ്പിച്ചു. വൈസ് പ്രസിഡൻ്റ് കെ.എം. പവിത്രൻ സ്വാഗതവും ട്രഷറർ പി.പി രാധാകൃഷ്ണൻ വരവ് ചെലവ് കണക്കും അവതരിപ്പിച്ചു.
ക്ഷേത്രം നവീകരണ കമ്മിറ്റി ചെയർമാൻ പുതുച്ചേരി നിയമസഭ മുൻ ഡെപ്യൂട്ടി സ്പീക്കർ പി.കെ സത്യാനന്ദൻ, ട്രഷറർ സി.ശേഖരൻ എന്നിവർ ആശംസകൾ അർപ്പിച്ചു. പൂഴിയിൽ അജയൻ,വിനോദൻ പൂഴിയിൽ, രതീശൻ വി.സി, പൂഴിയിൽ ബൈജു എന്നിവർ സംസാരിച്ചു.
