പാനൂർ :സബ് ജൂനിയർ വിഭാഗം സംസ്ഥാന അണ്ടർ പതിനാല് ഹോക്കി ടീമിൽ മത്സരിച്ച് അബ്ദു റഹിമാൻ സ്മാരകം യു പി സ്കൂൾ വിദ്യാർഥിനി.
ചെണ്ടയാട് അബ്ദുറഹിമാൻ സ്മാരകം യുപി സ്കൂൾ ഏഴാം ക്ലാസ് വിദ്യാർഥിനി മയൂഖ സജേഷാണ് കണ്ണൂർ ജില്ല ഹോക്കി ടീമിന് വേണ്ടി തിരുവനന്തപുരത്ത് നടന്ന സംസ്ഥാന മത്സരത്തിൽ പങ്കെടുത്തത്.
അബ്ദുറഹിമാൻ സ്മാരകം യുപി സ്കൂൾ ടീമിലെ അംഗമായ മയൂഖ കണ്ണൂർ ജില്ലാ ടീമിലേക്ക് തെരഞ്ഞെടുക്കപ്പെട്ടിരുന്നു
ജില്ലക്ക് വേണ്ടിയാണ് സംസ്ഥാന സബ് ജൂനിയർ വിഭാഗം പെൺകുട്ടികളുടെ ഹോക്കി മത്സരത്തിൽ പങ്കെടുത്തത്.
ചെണ്ടയാട് സ്വദേശി സജേഷിന്റെയും വിജിനയുടെയും മകളാണ്.
സംസ്ഥാന മത്സരത്തിൽ പങ്കെടുത്ത് തിരിച്ച് വന്ന മയൂഖക്ക് അബ്ദുറഹിമാൻ സ്മാരകം യു പി സ്കൂൾ വിദ്യാർത്ഥികളും അധ്യാപകരും സ്വീകരണം നൽകി.
പി ടി എ പ്രസിഡന്റ് നാസർ വാഴയിൽ ഉപഹാരം നൽകി. ദിനേശൻ മഠത്തിൽ അനുമോദന പ്രസംഗം നടത്തി. ഹെഡ്മാസ്റ്റർ എം പി വിനോദൻ അധ്യക്ഷത വഹിച്ചു. പ്രജീഷ വാഴയിൽ, , അമൃത ചന്ദ്ര,
അബ്ദുല്ല പുത്തൂർ, കെ ആശ്രയ്, മുഹമ്മദ് സയാൻ എന്നിവർ പ്രസംഗിച്ചു. മയൂഖ സജേഷ് മറുപടി പ്രസംഗം നടത്തി.
