മാഹി: കളഞ്ഞു കിട്ടിയ പണം പോലീസിലേൽപ്പിച്ച മാഹി ഗവൺമെന്റ് മിഡിൽ സ്കൂളിലെ വിദ്യാർഥികളെ ആദരിച്ചു.മാഹി ഗവൺമെന്റ് മിഡിൽ സ്കൂളിലെ
ഏഴാം തരം വിദ്യാർഥികളായ ആദിത്യ , സയാൻ ബിൻ സുരൂർ , ഷാമിൽ അസ്‌ലം എന്നീ വിദ്യാർഥികളെയാണ് ഗവൺമെൻ്റ് ടീച്ചേഴ്സ് ഓർഗനൈസേഷൻ പ്രസിഡൻ്റ് ജയിംസ് സി ജോസഫ് സമ്മാനം നൽകി ആദരിച്ചത്. കഴിഞ്ഞ ദിവസം മാഹി മൈതാനത്തിന്റെ പരിസരത്തു നിന്നും കളഞ്ഞു കിട്ടിയ 10000 രൂപ കുട്ടികൾ പോലീസിലേൽപ്പിക്കുകയും പോലീസ് ഉടമസ്ഥനെ കണ്ടെത്തി തുക തിരിച്ചു നൽകുകയുമുണ്ടായി. സ്കൂളിൽ ചേർന്ന ചടങ്ങിൽ പ്രധാന അദ്ധ്യാപിക പി കൃഷ്ണവേണി, എം രജിത എന്നിവർ സന്നിഹിതരായിരുന്നു.
