എടക്കാട് : തദ്ദേശ സ്വയംഭരണ സ്ഥാപനങ്ങളിലേക്ക് പുതുതായി തെരഞ്ഞെടുക്കപ്പെട്ട ജനപ്രതിനിധികൾക്ക് എടക്കാട് പബ്ലിക് ലൈബ്രറിയുടെ ആഭിമുഖ്യത്തിൽ ജനകീയ സ്വീകരണം നൽകി. കടമ്പൂർ ഗ്രാമ പഞ്ചായത്ത് പ്രസിഡന്റും മെമ്പർമാരും, എടക്കാട് ബ്ലോക്ക് പഞ്ചായത്ത് പ്രസിഡന്റും കടമ്പൂരുമായി ബന്ധപ്പെട്ട ബ്ലോക്ക് മെമ്പർമാരും, കണ്ണൂർ ജില്ലാ പഞ്ചായത്ത് പ്രസിഡന്റ് എന്നിവർക്കാണ് സ്വീകരണം നൽകിയത്.
പ്രമുഖ സാഹിത്യകാരൻ ടി.കെ.ഡി മുഴപ്പിലങ്ങാട് ഉദ്ഘാടനം ചെയ്തു. ഡോ. എ വത്സലൻ അധ്യക്ഷത വഹിച്ചു. താലൂക്ക് ലൈബ്രറി കൗൺസിൽ മെമ്പർ കെ ശിവദാസൻ മാസ്റ്റർ, ജില്ലാ പഞ്ചായത്ത് പ്രസിഡന്റ് ബിനോയ് കുര്യൻ, ബ്ലോക്ക് പഞ്ചായത്ത് പ്രസിഡന്റ് കെ.വി ബിജു, ഗ്രാമപഞ്ചായത്ത് പ്രസിഡന്റ് കെ ഗിരീശൻ, ബ്ലോക്ക് മെമ്പർമാരായ കെ.വി ജയരാജൻ, ടി.സി അക്ഷയ, കെ.വി നിഷ, ഗ്രാമപഞ്ചായത്ത് സ്റ്റാന്റിങ് കമ്മിറ്റി ചെയർപേഴ്സൺ പ്രസീത പ്രേമരാജൻ, മെമ്പർമാരായ സി.പി ബാബു, സി.കെ ബാബുരാജ് എന്നിവർ സംസാരിച്ചു. എടക്കാട് പ്രദേശത്തെ വിവിധ വിഷയങ്ങൾ സംബന്ധിച്ച നിവേദനം ലൈബ്രറി സെക്രട്ടറി എം.കെ അബൂബക്കർ അവതരിപ്പിച്ചു. കമ്മിറ്റി പ്രസിഡന്റ് ടി.വി വിശ്വനാഥൻ മാസ്റ്റർ സ്വാഗതം പറഞ്ഞു. സ്വീകരണത്തിൽ സംബന്ധിച്ച 18 ജനപ്രതിനിധികൾക്ക് അനുമോദനോപഹാരമായി പുസ്തകവും ഭരണഘടനയുടെ ആമുഖം രേഖപ്പെടുത്തിയ ഫലകവും സമ്മാനിച്ചു.
