പാനൂർ : കേരള സീനിയർ സിറ്റിസൺ ഫോറം കരിയാട് യൂണിറ്റിന്റെ ആഭിമുഖ്യത്തിൽ പട്ടേരി കുഞ്ഞികൃഷ്ണൻ അടിയോടി, വി.പി. ശങ്കരൻ അനുസ്മരണവും എൻഡോമെന്റ് വിതരണവും നടത്തി. പ്രശസ്ത ബാലസാഹിത്യകാരൻ രാജു കാട്ടുപൂനം, പാനൂർ മുൻസിപ്പൽ കൗൺസിലർ ആവോലം ബഷീർ എന്നിവർ അനുസ്മരണ പ്രഭാഷണം നടത്തി. കരിയാട് നമ്പ്യാർസ് യു പി സ്കൂളിൽ നിന്നും ഉന്നത വിജയം നേടിയ ഹരിക എം ആർ , സജുൽ എന്നിവർക്ക് എൻഡോമെന്റ് നൽകി. കെ പത്മനാഭൻ നമ്പ്യാർ ടി എൻ നാരായണിയമ്മ എന്നിവരെ ആദരിച്ചു. കുമാരൻ മാസ്റ്റർ, എൻ ശ്രീധരൻ മാസ്റ്റർ, പി ഇ ബാലകൃഷ്ണൻ നമ്പ്യാർ , ഡോക്ടർ മധുസൂദനൻ,ശങ്കരൻ മാസ്റ്റർ എന്നിവർ സംസാരിച്ചു.
