പാനൂർ :
കമ്മ്യൂണിസ്റ്റ് പാർട്ടിയുടെ മുതിർന്ന നേതാവും, മുൻ മുഖ്യമന്ത്രിയുമായ വി.എസ്. അച്യൂതാനന്ദനെ സർവകക്ഷി യോഗം അനുസ്മരിച്ചു. സിപിഐ എം പാനൂർ ഏരിയ കമ്മിറ്റിയുടെ നേതൃത്വത്തിൽ പാനൂർ ബസ്റ്റാൻ്റിൽ നടന്ന അനുസ്മരണ സമ്മേളനം സിപിഐ എം ജില്ലാ സെക്രട്ടറിയേറ്റംഗം പി. ഹരീന്ദ്രൻ ഉദ്ഘാടനം ചെയ്തു.
ഏരിയ കമ്മിറ്റിയംഗം എ. രാഘവൻ അധ്യക്ഷനായി. കെ.പി. മോഹനൻ എംഎൽഎ, സിപിഐ ജില്ലാ അസിസ്റ്റൻ്റ് സെക്രട്ടറി എ. പ്രദീപൻ, വി. സുരേന്ദ്രൻ, പി. കെ. ഷാഹുൽ ഹമീദ്, സി.കെ. കുഞ്ഞിക്കണ്ണൻ, പി.കെ. പ്രവീൺ, പി.കെ. രാജൻ, ഇ. മഹമൂദ്, കെ. മുകുന്ദൻ, കെ. ടി. രാകേഷ്, സി. പി. മൂസ എന്നിവർ സംസാരിച്ചു. പാനൂർ ഏരിയ സെക്രട്ടറി കെ.ഇ. കുഞ്ഞബ്ദുള്ള സ്വാഗതം പറഞ്ഞു
