പാനൂർ : പാനൂർ പി.ആർ.ലൈബ്രറിയുടെ ആഭിമുഖ്യത്തിൽ പി.കേശവദേവിൻ്റെ ‘ഓടയിൽ നിന്ന് ‘ എന്ന നോവലിനെ അടിസ്ഥാനമാക്കി ആസ്വാദനക്കുറിപ്പ് മത്സരം സംഘടിപ്പിച്ചു. കൂത്തുപറമ്പ് മണ്ഡലത്തിലെ സ്കൂളുകളിൽ പഠിക്കുന്ന എട്ട് മുതൽ പ്ലസ്ടു വരെയുള്ള വിദ്യാർഥികൾക്കായി നടത്തിയ മത്സരം പി.ആർ. ലൈബ്രറി ഹാളിൽ പ്രസിഡൻ്റ് കെ പി മോഹനൻ എം.എൽ.എ. ഉദ്ഘാടനം ചെയ്തു. സെക്രട്ടറി കെ.കുമാരൻ അധ്യക്ഷത വഹിച്ചു. വി.പി. ചാത്തു മാസ്റ്റർ, ടി.സി.സുധാകരൻ മാസ്റ്റർ, എൻ.പി.ദീപ്ന എന്നിവർ സംസാരിച്ചു. ഒന്നു മുതൽ മൂന്ന് വരെ സ്ഥാനം നേടുന്ന വിജയികൾക്ക് ക്യാഷ് പ്രൈസും ഉപഹാരവും നൽകും
