എടക്കാട്: കടമ്പൂരിലെ പി മോഹനൻ മാസ്റ്റരുടെ (മോഹൻ കാടാച്ചിറ) കഥാസമാഹാരം ‘കണ്ണീരോർമ്മകൾ’ പ്രമുഖ കഥാകൃത്ത് ടി.പി വേണുഗോപാലൻ പ്രകാശനം ചെയ്തു. കടമ്പൂർ നോർത്ത് യു.പി സ്കൂളിൽ നടന്ന പരിപാടിയിൽ ടി.കെ.ഡി മുഴപ്പിലങ്ങാട് ആദ്യപ്രതി ഏറ്റുവാങ്ങി. കവി സതീശൻ മോറായി പുസ്തകപരിചയം നടത്തി.
ലൈബ്രറി കൗൺസിൽ കടമ്പൂർ നേതൃസമിതി കൺവീനർ കെ വിനോദൻ മാസ്റ്റർ അധ്യക്ഷത വഹിച്ചു. കടമ്പൂർ ഗ്രാമപഞ്ചായത്ത് പ്രസിഡന്റ് പി.വി പ്രേമവല്ലി, ജില്ലാ പഞ്ചായത്ത് മെമ്പർ കെ.വി ബിജു, ബ്ലോക്ക് പഞ്ചായത്ത് മെമ്പർ കെ.വി ജയരാജൻ, കെ.ഗിരീശൻ, രൂപ രാജേന്ദ്രൻ, എം.കെ മറിയു, കെ ശിവദാസൻ മാസ്റ്റർ, എം.കെ അബൂബക്കർ ആശംസ നേർന്നു. മോഹൻ കാടാച്ചിറ മറുപടി പ്രസംഗം നടത്തി. സംഘാടക സമിതി കൺവീനർ സി.എ പത്മനാഭൻ സ്വാഗതവും ദിബ്ന ദിനേശ് നന്ദിയും പറഞ്ഞു.
