പള്ളൂർ കോയ്യോടൻ കോറോത്ത് ക്ഷേത്രം ആണ്ടു തിറ മഹോത്സവത്തിന്റെ പ്രധാന ദിവസമായ നാളെ 40 ഓളം ശാസ്തപ്പൻ തെയ്യങ്ങൾ കെട്ടിയാടും. ഇന്ന് വൈകുന്നേരം 6 മണിക്ക് 40 ഓളം ശാസ്തപ്പൻ വെള്ളാട്ടങ്ങൾ ഒരേസമയം കെട്ടിയാടും തുടർന്ന് ഗുരുകാരണവർ, ഗുളികൻ, ഘണ്ഠാകർണ്ണൻ, ഉച്ചിട്ട ഭഗവതി, വിഷ്ണുമൂർത്തി എന്നി ദൈവങ്ങളുടെ വെള്ളാട്ടവും നടക്കും. നാളെ പുലർച്ചെ 2 മണിക്ക് അഗ്നിസ്വരൂപിണിയായ ഭഗവതിക്ക് അഗ്നികൊണ്ടൊരു സിംഹാസനം ഒരുക്കാൻ ഘണ്ഠാകർണ്ണ ഭഗവാന്റെ ഇളം വെള്ളാട്ടും, കാരണവരും കോമരവും അഗ്നിയുമായി പുറപ്പെട്ട് ഭഗവതിക്ക് മേലേരി ഒരുക്കും. രാവിലെ കലശം വരവിനു ശേഷം ഗുളികൻ, ഘണ്ഠാകർണ്ണൻ, ശാസ്തപ്പൻ,
കാരണവർ, ഉച്ചിട്ട ഭഗവതി, വിഷ്ണുമൂർത്തി എന്നീ ദൈവ കോലങ്ങൾ കെട്ടിയാടും. ഉച്ചയ്ക്ക് 12 മണി മുതൽ 3 മണിവരെ പ്രസാദഊട്ട് ഉണ്ടായിരിക്കും.
