മാഹി : സാമൂഹിക–സാംസ്കാരിക രംഗങ്ങളിലെ സമഗ്ര സംഭാവനകൾ പരിഗണിച്ച് ഭാരത് സേവക് സമാജ് പുരസ്കാരം സോമൻ മാഹിക്ക് ലഭിച്ചതായി സുഹൃദ സംഘം നടത്തിയ വാർത്താ സമ്മേളനത്തിൽ അറിയിച്ചു. തിരുവനന്തപുരം വേദിയായി നടന്ന ചടങ്ങിൽ ഡോ. എം. ആർ. തമ്പാൻയിൽ നിന്നാണ് അദ്ദേഹം പുരസ്കാരം ഏറ്റുവാങ്ങിയത്.
ചെറുപ്രായത്തിൽ തന്നെ കലാപരിപാടികളോട് ആകർഷണം പുലർത്തിയിരുന്ന സോമൻ മാഹി, പ്രാഥമിക വിദ്യാഭ്യാസത്തിനു ശേഷം ഒരു എഞ്ചിനീയറിങ് വർക്ക്ഷോപ്പിലൂടെ മെക്കാനിക്കൽ സ്വയംതൊഴിൽ മേഖലയിലേക്ക് കടന്നു. കലാരംഗത്തെ സജീവത തുടരുന്നതിനിടെ “പൊൻ നയം” എന്ന നാടകം എഴുതാനും സംവിധാനം ചെയ്യാനും അഭിനയിക്കാനും അവസരം ലഭിച്ചു.
മാഹി സ്പോർട്സ് ക്ലബ്ബിന് വേണ്ടിയുള്ള വിവിധ വേഷങ്ങളിലൂടെ ശ്രദ്ധേയനായ അദ്ദേഹം, ഇതുവരെ നാല് സമാഹാരങ്ങൾ പ്രസിദ്ധീകരിച്ചിട്ടുണ്ട്. കൂടാതെ മൂന്ന് നാടകങ്ങൾ, കൊച്ചു കഥാപ്രസംഗം, ഒരു നോവൽ എന്നിവ പൂർത്തീകരിക്കുന്നതിനുള്ള ഒരുക്കങ്ങളിലുമാണ്.
വാർത്താ സമ്മേളനത്തിൽ എം. എ. കൃഷ്ണൻ, സോമൻ ആനന്ദ്, രതി രവി എന്നിവർ പങ്കെടുത്തു.
