മാഹി : ഡിറ്റ്വാ’ ചുഴലിക്കാറ്റിൻ്റെ പാശ്ചാത്തലത്തിൽ
കനത്ത മഴയ്ക്കുള്ള സാധ്യത കണക്കിലെടുത്ത്
തിങ്കളാഴ്ച, പുതുച്ചേരി, കാരക്കൽ, മാഹി, യാനം എന്നീ നാല്
മേഖലകളിലെ എല്ലാ സർക്കാർ, സർക്കാർ എയ്ഡഡ് സ്കൂളുകൾക്കും, സ്വകാര്യ സ്കൂളുകൾക്കും അവധി നല്കിയതായി
വിദ്യാഭ്യാസ മന്ത്രി എ. നമശ്ശിവായം അറിയിച്ചു.
ഇതോടെ 600 കിലോമീറ്റർ ദൂരെ പെയ്യുന്ന മഴയ്ക്ക് തെളിഞ്ഞ് നില്ക്കുന്ന മാനം നോക്കി കുട പിടിക്കുകയാണ് മാഹിക്കാർ.
മന്ത്രിയുടെ ഉത്തരവാണ് തല്ക്കാലം കുട പിടിച്ചേ മതിയാവൂ.
മഴയില്ലാതിരുന്നിട്ട് കൂടി അവധി നല്കേണ്ടി വന്നു.
അതത് സ്ഥലത്തെ അഡ്മിനിസ്ട്രേറ്റർക്ക് തീരുമാനിക്കാനുള്ള അനുമതി നല്കിയിരുന്നെങ്കിൽ ഈ അനാവശ്യ അവധി ഒഴിവാക്കാമായിരുന്നു.
അതിനിടെ ഡിറ്റ്വാ’ ചുഴലിക്കാറ്റിന്റെ പശ്ചാത്തലത്തിൽ പുതുച്ചേരിയിൽ എല്ലാ വിധ മുൻകരുതലുമെടുത്തിരുന്നെങ്കിലും പ്രതീക്ഷിച്ച മഴ ഉണ്ടായിരുന്നില്ല.
പുതുച്ചേരിയുടെ തീരത്തോട് ചേർന്ന് ഡിറ്റ് വ കടന്ന്പോയെങ്കിലും കാറ്റ് ദുർബലമായതിനാൽ .അനിഷ്ടസംഭവങ്ങളൊന്നുമുണ്ടായില്ല.
