പാനൂർ :
പാനൂരിനടുത്ത് മൊകേരിയിൽ ഓടിക്കൊണ്ടിരിക്കെ ഇലക്ട്രിക് ബൈക്ക് കത്തിനശിച്ചു. പാനൂർ ടൗണിലെ പത്ര ഏജൻറ് മൂസയുടെ കെ എൽ -58 എ എച്ച് 4983 കൈനറ്റിക്ക് ഗ്രീൻ – കൈനറ്റിക്ക് ഫ്ലക്സ് സ്കൂട്ടറാണ് കത്തിനശിച്ചത്.
ബുധനാഴ്ച രാവിലെ 9 മണിയോടെ മൊകേരി പുതുമ മുക്കിന് സമീപം വെച്ച് പത്ര വിതരണം നടത്തുന്നതിനിടെ സ്കൂട്ടർ കത്തിയത്. പുക വന്ന ഉടനെ പെട്ടെന്ന് വണ്ടി നിർത്തി പുറത്തേക്ക് ഇറങ്ങിയതിനാൽ പരിക്കേൽക്കാതെ രക്ഷപ്പെട്ടു. വണ്ടി ടയർ ഉൾപ്പെടെ പൂർണ്ണമായും കത്തിനശിച്ചു.
