മാഹി: പന്തക്കൽ ഒരുമ റെസിഡെൻഷ്യൽ അസോസിയേഷൻ്റെ ആഭിമുഖ്യത്തിൽ കഥാസാഹിത്യ ഭാഷയെ കാവ്യാത്മകമാക്കി ഗദ്യസാഹിത്യത്തിനു നവഭാവുകത്വം നല്കിയ സാഹിത്യകാരൻ എം.ടി. വാസുദേവൻ നായർ അനുസ്മരണവും എം.ടി. സിനിമകളിലെ ഗാനങ്ങൾ ഉൾപ്പെടുത്തിയ ഗാനസന്ധ്യയും സംഘടിപ്പിച്ചു
പിന്നണി ഗായകൻ എം. മുസ്തഫ മാസ്റ്റർ പരിപാടി ഉദ്ഘാടനം ചെയ്തു. കഥാകൃത്ത്, നോവലിസ്റ്റ്, തിരക്കഥാകൃത്ത്, സിനിമ സംവിധായകൻ, പത്രപ്രവർത്തകൻ, പ്രഭാഷകൻ എന്നീ നിലകളിൽ സവിശേഷ സംഭാവനകൾ മലയാളത്തിനു നല്കിയ എം.ടി. തൊട്ടതെല്ലാം പൊന്നാക്കിയ അപൂർവ്വ പ്രതിഭയാണെന്ന് അനുസ്മരണ പ്രഭാഷണത്തിൽ മുസ്തഫ മാസ്റ്റർ വിലയിരുത്തി.
സുകുമാരൻ – അനില ദമ്പതികളുടെ ‘നികുഞ്ജം’ എന്ന ഗൃഹാങ്കണത്തിൽ നടന്ന അനുസ്മരണ സമ്മേളനത്തിൽ അസോസിയേഷൻ പ്രസിഡണ്ട് പി.നാണു അധ്യക്ഷത വഹിച്ചു. ഗോകുൽസുരേഷ്, സുജിതരായരോത്ത് , സുനിത മാണിയത്ത് തുടങ്ങിയവർ ചടങ്ങിൽ സംസാരിച്ചു. സുരേഷ് കോമത്ത് സ്വാഗതവും ടി.എം. പവിത്രൻ നന്ദിയും പറഞ്ഞു. തുടർന്നു എം.ടി. സിനിമകളിലെ ഗാനങ്ങളുടെ
ആലാപനവുമുണ്ടായി.
