പാനൂർ: മൊകേരി സുഹൃജ്ജന വായനശാല ആൻ്റ് ഗ്രന്ഥാലയം എഴുപത്തിയഞ്ചാം വാർഷികാഘോഷം മെയ് 18, 19 തിയ്യതികളിൽ വിവിധ പരിപാടി കളോടെ കൂരാറയിൽ വെച്ച് നടക്കും.18 ന് വൈകുന്നേരം 5.30ന് അംഗൻവാടി കുട്ടികളുടെ കലാപരിപാടികളോടെ പരിപാടിക്ക് തുടക്കമാകും. തുടർന്ന് നടക്കുന്ന ചടങ്ങിൽ കെ.പി.മോഹനൻ എം.എൽ.എ വാർഷികാഘോഷ പരിപാടികൾ ഉദ്ഘാടനം ചെയ്യും . ഗ്രന്ഥാലയം പ്രസിഡണ്ട് കെ.കുമാരൻ അദ്ധ്യക്ഷത വഹിക്കും. രാത്രി 7 മണിക്ക് നാട്ടുകാർ അവതരിപ്പിക്കുന്ന വിവിധ കലാപരിപാടികളും 9 മണിക്ക് സുഹൃജ്ജന കലാവേദി അവതരിപ്പിക്കുന്ന സി.എൻ ശ്രീവത്സൻ്റെ രചനയിൽ എ.യതീന്ദ്രൻ സംവിധാനം ചെയ്ത നാടകം — ‘ വെള്ളരി നാടകം,അരങ്ങേറും.
19 ന് വൈകുന്നേരം 5.30 മുതൽ വിവിധ കലാപരിപാടികൾ ആരംഭിക്കും. 6.30ന് നടക്കുന്ന സാംസ്ക്കാരിക സമ്മേളനം പ്രശസ്ത ഹിന്ദുസ്ഥാനി സംഗീതജ്ഞനും, സംഗീത സംവിധായകനുമായ പണ്ഡിറ്റ് രമേഷ് നാരായൺ ഉദ്ഘാടനം ചെയ്യും. മൊകേരി ഗ്രാമപഞ്ചായത്ത് പ്രസിഡണ്ട് പി.വത്സൻ അദ്ധ്യക്ഷനാവുന്ന ചടങ്ങിൽ പ്രശസ്ത പിന്നണി ഗായിക മധുശ്രീ നാരായൺ മുഖ്യാതിഥിയായി പങ്കെടുക്കും. തുടർന്ന് നടക്കുന്ന ആദരം പരിപാടിയിൽ 50 വർഷക്കാലമായി ഗ്രന്ഥാലയത്തിൻ്റെ പ്രസിഡണ്ടായി പ്രവർത്തിക്കുന്ന കെ.കുമാരൻ, മുൻ ഭാരവാഹികൾ, മുൻ ലൈബ്രേറിയൻമാർ എന്നിവരെ ആദരിക്കും. പാനൂർ നഗരസഭാ കൗൺസിലർ പി.കെ.പ്രവീൺ ഉപഹാര സമർപ്പണം നടത്തും. 7.30 ന് വോയ്സ് ഓഫ് യൂത്ത് അവതരിപ്പിക്കുന്ന ഗാനമേളയും 8 മണിക്ക് വള്ളുവനാട് നാദം അവതരിപ്പിക്കുന്ന ‘ഊഴം’ നാടകവും അരങ്ങേറും.പരിപാടിയുടെ ഭാഗമായി നാടകം ജീവിതം അനുഭവങ്ങളിലൂടെ പരിപാടിയും നടന്നു.
പത്രസമ്മേളനത്തിൽ പ്രസിഡണ്ട് കെ .കുമാരൻ, സെക്രട്ടറി കെ.കെ.ഷിബിൻ, ട്രഷറർ കെ രാജേഷ്, കെ.മുഹമ്മദ്, കെ.മഹേഷ് എന്നിവർ പങ്കെടുത്തു
