ന്യൂമാഹി: ഇന്ത്യൻ ഫുട്ബോൾ ടീം ക്യാമ്പിലേക്ക് തെരഞ്ഞെടുക്കപ്പെട്ട ആലമ്പത്ത് എം.എൽ.പി. സ്കൂളിലെ പൂർവ്വ വിദ്യാർഥി കൂടിയായ ജീവൻ വിജേഷിനെ അനുമോദിച്ചു.സ്കൂളിൽ അധ്യാപകരും രക്ഷിതാക്കളും ചേർന്ന് നടത്തിയ അനുമോദനം ന്യൂമാഹി പോലീസ് എസ്.ഐ. പി.സി. രവീന്ദ്രൻ ഉദ്ഘാടനം ചെയ്തു.ന്യൂമാഹി ഗ്രാമ പഞ്ചായത്ത് പ്രസിഡൻ്റ് എം.കെ. സെയ്ത്തു അധ്യക്ഷത വഹിച്ചു. എൽ.കെ.ജി വിദ്യാർഥികൾക്കുള്ള രക്ഷിതാക്കളുടെ കൂട്ടായ്മ നൽകിയ കളിപ്പാട്ട കിറ്റ് വിതരണം ചെയ്തു. പി.ടി.എ. പ്രസിഡൻ്റ് സി.കെ. നിസാമുദ്ദീൻ, മുൻ എച്ച്.എം.പി.വി. പ്രവീൺ, എ.മൻസൂർ, പി.കെ.ഷിനോഫ്, കെ.എം. ശ്രുതി എന്നിവർ പ്രസംഗിച്ചു.
