പാനൂർ : കൊളവല്ലൂർ പി.ആർ മെമ്മോറിയൽ ഹയർ സെക്കന്ററി സ്കൂളിന് ഇനി സ്വന്തം റേഡിയോ സ്റ്റേഷൻ . പി.ആർ.എം. ഡോട്ട് എഫ് എം 23 എന്ന പേരിലാണ് സ്കൂൾ സ്റ്റേഷൻ ആരംഭിച്ചത്. ആകാശവാണി അവതാരിക രമ്യ രാജേഷ് ഉദ്ഘാടനം ചെയ്തു.
വാർത്തകളും, കലാപരിപാടികളും, ഇംഗ്ലീഷ് വാർത്തകളും, കൗതുക വാർത്തകളുമെല്ലാം ഇനി കുട്ടികളിലേക്ക് നേരിട്ടെത്തും. പ്രധാനധ്യാപിക ടി.ടി രേഖ അധ്യക്ഷയായി. കെ.കെ രാജീവൻ, പി. പ്രശാന്ത്, ടി. ഉജിഷ എന്നിവർ സംസാരിച്ചു. ആദ്യ ദിനം 8 എ യിലെ കുട്ടികൾ അവതരിപ്പിച്ച കലാ പരിപാടികൾ നടന്നു. ദിവസവും രാവിലെയും വൈകീട്ടും ഓരോ ക്ലാസിലെയും കുട്ടികൾ കലാപരിപാടികൾ അവതരിപ്പിക്കും.
