തുലാഭാരത്തട്ട് സമർപ്പണവും അനുഗ്രഹ ഭാഷണവും പത്മശ്രീ കൈതപ്രം ദാമോദരൻ നമ്പൂതിരി നിർവ്വഹിക്കും.

കൂ ത്തുപറമ്പ്:കൈതേരി ചാത്തോത്ത് ശ്രീ നീലക്കരിങ്കാളി ശ്രീ പോർക്കലി ഭഗവതീ ക്ഷേത്ര മഹോത്സവത്തിന്റെ രണ്ടാം ദിനമായ മാർച്ച് 20 ബുധനാഴ്ച തുലാഭാരത്തട്ട് സമർപ്പണവും അനുഗ്രഹ ഭാഷണവും പത്മശ്രീ കൈതപ്രം ദാമോദരൻ നമ്പൂതിരി നിർവ്വഹിക്കും. ക്ഷേത്ര മഹോത്സവം മാർച്ച് 19 , 20 , 21 ചൊവ്വ , ബുധൻ , വ്യാഴം ദിവസങ്ങളിൽ , ക്ഷേത്ര പൂജാ ചടങ്ങുകളും വിവിധങ്ങളായ വിശേഷാൽ പരിപാടികളുമായി ആഘോഷപൂർവ്വം കൊണ്ടാടുകയാണ്.20 ന് ബുധനാഴ്ച രാവിലെ 8 മണിക്ക് കൈതപ്രം ക്ഷേത്ര തിരുനടയിലെത്തും. മലയാളത്തിലെ പ്രശസ്തനായ ചലച്ചിത്ര ഗാനരചയിതാവും കവിയും സംഗീത സംവിധായകനും ഗായകനും നടനുമാണ് കൈതപ്രം കണ്ണാടി ഇല്ലത്ത് ദാമോദരൻ നമ്പൂതിരി. ക്ഷേത്ര മഹോത്സവ വേളയിൽ കൈതപ്രത്തിന്റെ സാന്നിദ്ധ്യവും അനുഗ്രഹ ഭാഷണവും ഭക്തജനങ്ങളും കലാസ്നേഹികളും ഏറെ പ്രതീക്ഷയോടെ കാത്തിരിക്കുകയാണ്.