ഗിന്നസ് റെക്കോർഡ് നേട്ടം; മെന്റലിസ്റ്റ് മുഹമ്മദ് ഷിനോജ് മനോളിക്ക് മയ്യഴിക്കാരുടെ സ്നേഹാദരവ്

മയ്യഴി: ഗിന്നസ് വേൾഡ് റെക്കോർഡ് നേട്ടത്തിലൂടെ നാടിന്റെ അഭിമാനമായി മാറിയ മെന്റലിസ്റ്റ് മുഹമ്മദ് ഷിനോജ് മനോളിക്ക് മയ്യഴിക്കാരുടെ ആഭിമുഖ്യത്തിൽ സ്നേഹാദരവ് നൽകുന്നു.

2026 നവംബർ 6 വെള്ളിയാഴ്ച വൈകുന്നേരം 4.30ന് മാഹി ജെ.എൻ.ജി.എച്ച്.എസ്.എസിൽ (JNGHSS) വെച്ചാണ് അനുമോദനച്ചടങ്ങ് സംഘടിപ്പിക്കുന്നത്. മാഹി എം.എൽ.എ അഡ്വ. ടി. അശോക് കുമാർ ചടങ്ങ് ഉദ്ഘാടനം ചെയ്ത് ഷിനോജിനെ ആദരിക്കും. മുൻ ആഭ്യന്തര മന്ത്രി ഇ. വത്സരാജ് മുഖ്യാതിഥിയായി പങ്കെടുക്കും.

ഷിനോജിന്റെ മാതാപിതാക്കളും ബന്ധുക്കളും നാട്ടുകാരും ചടങ്ങിൽ സംബന്ധിക്കും. സംഘാടക സമിതിയുടെയും മയ്യഴി കൂട്ടായ്മയുടെയും നേതൃത്വത്തിലാണ് പരിപാടി ഒരുക്കുന്നത്. നാടിന്റെ അഭിമാനമായി മാറിയ പ്രതിഭയ്ക്ക് ആദരമർപ്പിക്കുന്ന ചടങ്ങിലേക്ക് ഏവരെയും സംഘാടകർ സ്നേഹപൂർവം ക്ഷണിച്ചു.